Fótbolti

Grindavík sigraði botnliðið og FH hafði betur í toppslagnum

Hjörtur Leó Guðjónsson skrifar
FH er á toppi Lengjudeildar kvenna eftir sigur gegn KR.
FH er á toppi Lengjudeildar kvenna eftir sigur gegn KR. Vísir/Anton

Í kvöld fóru fram tveir leikir í Lengjudeild kvenna. Grindavík vann 1-0 sigur gegn botnliði Augnablik og FH tyllti sér á toppinn með 2-0 útisigri gegn KR í toppslag deildarinnar.

Júlía Ruth Thasaphong skoraði eina mark leiksins þegar Grindavík tók á móti Augnablik. Grindvíkingar eru nú með 14 stig í sjötta sæti deildarinnar, en pakkinn frá fjórða sæti og niður í það áttunda er nokkuð þéttur, á meðan að Augnablik er enn á botni deildarinnar með átta stig.

KR tók á móti FH í algjörum toppslag. Liðin í fyrsta og öðru sæti fyrir leikinn og KR gat náð sér í sex stiga forskot á toppnum.

Sunneva Hrönn Sigurvinsdóttir kom FH-ingum yfir eftir tæplega hálftíma leik, beint úr hornspyrnu og staðan var 1-0 egar flautað var til hálfleiks.

Sandra Nabweteme tvöfaldaði forskot FH-inga á 59. mínútu eftir stoðsendingu frá Selmu Dögg Björgvinsdóttur.

Niðurstaðan því 2-0 sigur FH-inga, en sigurinn lyftir þeim á topp Lengjudeildarinnar með 29 stig. KR-ingar eru einnig með 29 stig, en FH er með betri markatölu og toppsætið er því þeirra.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.