Fótbolti

Anna Björk til Inter

Ingvi Þór Sæmundsson skrifar
Anna Björk Kristjánsdóttir er komin til Ítalíu.
Anna Björk Kristjánsdóttir er komin til Ítalíu. vísir/vilhelm

Landsliðskonan Anna Björk Kristjánsdóttir er gengin í raðir Inter á Ítalíu. Hún skrifaði undir eins árs samning við félagið.

Tveir íslenskir miðverðir munu því leika í Mílanó á næsta tímabili en Guðný Árnadóttir er á mála hjá AC Milan.

Anna Björk kemur til Inter frá Le Havre í Frakklandi þar sem hún lék á síðasta tímabili. Liðið endaði í tólfta og neðsta sæti frönsku úrvalsdeildarinnar og féll.

Anna Björk hefur einnig leikið með KR, Stjörnunni og Selfossi hér á landi, Örebro og Limhamn Bunkoflo í Svíþjóð og PSV Eindhoven í Hollandi.

Á síðasta tímabili endaði Inter í 8. sæti ítölsku úrvalsdeildarinnar. Í sumar var Rita Guarino ráðinn þjálfari Inter. Áður var hún með Juventus og gerði liðið fjórum sinnum í röð að ítölskum meisturum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.