Innlent

123 smit greind í gær: Aldrei fleiri greinst á einum degi

Tryggvi Páll Tryggvason skrifar
Mikið álag er í sýnatöku þessa dagana.
Mikið álag er í sýnatöku þessa dagana. Vísir/Vilhelm

Nú liggur fyrir að fjöldi innanlandsmita í gær reyndist 123 talsins eftir að farið hefur verið yfir öll sýnin sem tekin voru í gær. Tvö smit greindust á landamærunum.

Aldrei hafa fleiri greinst á einum degi hér á landi með Covid-19 frá því að faraldurinn hófst fyrir um einu og hálfu ári síðan, en fyrra metið var 106, þann 24. mars á síðasta ári.

Af þeim sem greindust í gær eru 84 fullbólusettir, einn hálfbólusettur og 36 óbólusettir, að því er fram kemur á covid.is

Í uppfærðum tölum á covid.is sem birtust skömmu fyrir klukkan 11 var greint frá 82 innanlandssmitum. Þar af voru 25 óbólusettir og 59 utan sóttkvíar við greiningu. Samkvæmt þeim tölum eru 695 nú í einangrun hér á landi og 1.976 í sóttkví.

Á upplýsingafundi almannavarna kom hins vegar fram að enn væri verið að greina sýni og að búist væri við því að fjöldi smitaðra myndi aukast, líkt og nú er raunin.

Líkt og í gær eru þrír sjúklingar inniliggjandi á Landspítala með Covid-19. Enginn þeirra er á gjörgæslu. Fjórtán starfsmenn spítalans eru nú í einangrun og hefur fækkað um einn frá því í gær.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið