Íslenski boltinn

Loksins vann Fjölnir, dramatík í Ólafs­vík, níu stiga for­ysta Fram og jafnt í toppslag

Anton Ingi Leifsson skrifar
Ólsarar voru grátlega nálægt því að næla í sinn fyrsta sigur í sumar.
Ólsarar voru grátlega nálægt því að næla í sinn fyrsta sigur í sumar. facebook/víkingur ó

Þremur leikjum var að ljúka í Lengjudeild karla og einum í Lengjudeild kvenna en umferðin í báðum deildum var ansi áhugaverð.

Í Ólafsvík tók Guðjón Þórðarson við stjórnartaumunum á dögunum en þeir gerðu grátlegt 2-2 jafntefli við Grindavík í kvöld.

Grindavík komst yfir en tvö mörk á síðustu tíu mínútum leiksins virtust vera tryggja Ólsurum sigurinn.

Grindvíkingar jöfnuðu hins vegar metin í uppbótartíma og lokatölur 2-2. Ólafsvík áfram á botninum með tvö stig en Grindavík í þriðja sætinu með nítján.

Fram er með níu stiga forystu á toppnum eftir 2-0 sigur á Aftureldingu. Óskar Jónsson og Indriði Áki Þorláksson skoruðu mörkin.

Afturelding er í níunda sætinu með þrettán stig.

Fjölnir vann loksins leik í Lengjudeildinni en eftir fjóra leiki í röð án sigurs unnu þeir 2-1 sigur á Selfoss.

Ragnar Leósson og Jóhann Árni Gunnarsson komu Fjölni í 2-0 í fyrri hálfleik en Gary Martin minnkaði muninn í síðari hálfleik.

Fjölnismenn eru í fjórða sætinu með sautján sig en Selfoss er í tíunda sæti, tveimur stigum frá falli.

Í Lengjudeild kvenna skildu FH og Afturelding jöfn 1-1. Liðin eru því jöfn í öðru til þriðja sæti með nítján stig hvor en Afturelding er með betra markahlutfall.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.