Helena Ólafsdóttir bað Ólaf um að sýna hvað gerðist í sigurmarki Frakka.

„Ég verð að reyna að gera það. Þetta er fast leikatriði þótt að innkast sé ekki það alvarlegasta,“ sagði Ólafur Kristjánsson og var með mjög fróðlega yfirlitsmynd á skjánum hjá sér. Þar sást ofan á völlinn í þessari úrslitasókn leiksins.

„Hérna eru þeir búnir teyma þriggja manna vörn Þjóðverjanna, þá (Antonio) Rüdiger, (Mats) Hummels og (Matthias) Ginter alla yfir til vinstri. Þegar góður sendingamaður eins og Pogba fær þetta pláss þá finnur hann þetta hlaup,“ sagði Ólafur.

Hann sýndi þá Paul Pogba skipta boltanum yfir á Lucas Hernandez á vinstri vængnum sem koma boltanum fyrir markið þar sem Mats Hummels sendi hann slysalega í eigið mark.

„Frábær utanfótarsending (frá Pogba) og þegar fyrirgjöfin kemur þá er Hummels eiginlega fórnarlambið. Hann er að reyna að hreinsa með hægri löppinni sinni og setur hann inn. Það er samt aðdragandinn að markinu sem skapar þetta. Taktískt þá var leikurinn skemmtilegur og athyglisverður,“ sagði Ólafur.

Hér fyrir ofan má sjá Ólaf fara yfir sigurmark Frakka í teiknitölvunni.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.