Fótbolti

Alaba reif í Arnauto­vic er þeir fögnuðu marki þess síðar­nefnda

Runólfur Trausti Þórhallsson skrifar
Fagnaðarlætin sérkennilegu.
Fagnaðarlætin sérkennilegu. EPA-EFE/Robert Ghement

Það var nokkur hiti í leikmönnum Austurríkis er þeir fögnuðu þriðja marki sínu í 3-1 sigrinum á Norður-Makedóníu í dag. Aðallega var það þó David Alaba og Marko Arnautovic sem var heitt í hamsi.

Austurríki og Norður-Makedónía mættust í C-riðli Evrópumótsins í dag. Um var að ræða mikilvægan leik fyrir bæði lið þar sem Holland og Úkraína eru fyrir fram talin sterkari og því mikilvægt fyrir löndin að ná í stig í dag.

Norður-Makedónía virtist nokkuð sátt meðan staðan var 1-1 en seint í leiknum skoraði Austurríki tvívegis og tryggði nokkuð öruggan 3-1 sigur.

Varamaðurinn Arnautovic skoraði þriðja mark Austurríki og gulltryggði sigurinn. Arnautovic virkaði mjög æstur er hann fagnaði markinu og benti bæði á sjálfan sig sem og völlinn.

Mögulega var hann að senda þjálfara sínum skilaboð um að hann ætti alltaf að vera inn á vellinum. Fyrirliðinn Alaba kom í kjölfarið og reif duglega í Arnautovic. Sjón er sögu ríkari en þetta stórundarlega fagn þeirra félaga má sjá hér að neðan.

Klippa: Alaba reif í Arnautovic

Austurríki er sem stendur á toppi C-riðils en leikur Hollands og Úkraínu er nýhafinn. Staðan í honum er enn markalaus.


EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.