Sterling: Við verðum að halda áfram að vinna

Hjörtur Leó Guðjónsson skrifar 13. júní 2021 16:14

Raheem Sterling fagnar marki gegn Íslendingum síðastliðinn september. Haflidi Breidfjord/Getty Images

Markaskorari Englendinga, Raheem Sterling, var virkilega ánægður með stigin þrjú eftir sigur liðsins gegn Króötum fyrr í dag. Sterling var valinn maður leiksins og hann segir það frábæra tilfinningu að skora á Wembley.

„Ég ólst upp hérna tveim mínútum frá. Mér fannst ég þurfa að skora hérna og það var frábær tilfinning að gera það.“

Englendingum hefur aldrei aður tekist að vinna opnunarleik sinn á Evrópumóti og Sterling segir að nú þurfi liðið að nýta þessi úrslit til að fara lengra.

„Við þurfum að reyna að byggja á þessu. Við getum notið þess í dag að hafa unnið, en frá og með morgundeginum þurfum við að fara að einbeita okkur að næsta leik.“

„Mótið er rétt að byrja og við verðum að halda áfram að vinna. Við þurfum að hafa það hugarfar.“

Klippa: Sterling viðtal

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.

EM 2020 í fótbolta

Tengdar fréttir

Í fyrsta skipti sem England vinnur fyrsta leik á Evópumóti

England og Króatía áttust við í fyrsta leik dagsins á Evrópumótinu í knattspyrnu í dag. Mark Raheem Sterling á 57.mínútu reyndist eina mark leiksins og það voru því Englendingar sem fóru með 1-0 sigur af hólmi.

13. júní 2021 15:00