Fótbolti

Heimir Hallgríms fékk afmælisköku í beinni í EM í dag þættinum

Óskar Ófeigur Jónsson skrifar
Heimir Hallgrímsson var ánægður með að fá afmælisköku í tilefni dagsins.
Heimir Hallgrímsson var ánægður með að fá afmælisköku í tilefni dagsins. S2 Sport

Heimir Hallgrímsson, fyrrverandi þjálfari íslenska karlalandsliðsins í fótbolta, var einn af gestunum í EM-þætti Guðmundar Benediktssonar og Helenu Ólafsdóttur í gærkvöldi.

Þetta var stór dagur fyrir Heimi en hann hélt upp á 54 ára afmælið sitt í gær og Eyjamaðurinn var tilbúinn í það að eyða kvöldinu með þeim Gumma Ben og Helenu.

Heimir fékk auðvitað afmælisköku frá Sætum syndum í beinni í tilefni dagsins.

„Við erum með manna hérna sem finnst ekkert gaman að halda mikið upp á afmælið sitt en hann á afmæli dag, Heimir Hallgrímsson,“ sagði Guðmundur Bendiktsson um leið og kakan kom inn í settið.

Klippa: EM í dag: Heimir Hallgríms fær köku í beinni

Heimir átti afmæli fjórum dögum fyrir síðasta EM þegar íslenski hópurinn var kominn út til Frakklands. „Líka þegar við unnum Króata á heimavelli. Það er alltaf landslið í kringum afmælið,“ sagði Heimir.

„Þú færð að fara með kökuna heim til fjölskyldunnar víst að þú ert að eyða kvöldinu hérna með okkur,“ sagði Guðmundur en það má sjá þegar kakan hans Heimis mætti hér fyrir ofan.

Heimir var auðvitað þjálfari íslenska landsliðsins sem fór alla leið í átta liða úrslitin á síðasta Evrópumóti og fór líka með íslensku strákana á HM í Rússlandi sumarið 2018.

Heimir þjálfaði Katarliðið Al-Arabi frá desember 2018 þar til að hann hætti hjá liðinu á dögunum eftir tveggja og hálfs árs starf.

EM í dag verður í dagskrá klukkan 21.00 á EM-stöðinni á öllum leikdögum Evrópukeppninnar en þar munu þau Gummi Ben og Helena gera upp daginn með góðum gestum sem koma víðs vegar að úr þjóðafélaginu.


EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.




Fleiri fréttir

Sjá meira


×