Fótbolti

Vestri í meiri vand­ræðum með KFR en Víkingur Ó. með Þrótt Reykja­vík

Runólfur Trausti Þórhallsson skrifar
Víkingar unnu þægilegan sigur í Laugardalnum.
Víkingar unnu þægilegan sigur í Laugardalnum. Víkingur Ólafsvík

Tveimur leikjum er nú lokið í 64-liða úrslitum Mjólkurbikars karla. Vestri marði 4. deildarlið KFR á meðan Víkingur Ólafsvík gerði góða ferð í Laugardalinn.

Í Laugardalnum voru Ólsarar í heimsókn hjá Þrótti Reykjavík en bæði lið leika í Lengjudeildinni í sumar. Eftir nokkuð jafnar upphafsmínútur kom Harley Bryn Willard gestunum yfir eftir hálftíma leik þegar hann fylgdi eftir góðu skoti sem endaði í stöng og slá.

Willard bætti við öðru marki sínu og öðru marki gestanna á 42. mínútu með marki úr vítaspyrnu. Árni Þór Jakobsson gerðist brotlegur innan vítateigs og vítaspyrna dæmd.

Staðan orðin 2-0 og þannig var hún í hálfleik. Eftir 20 mínútna leik í síðari hálfleik var staðan orðin 3-0 þegar Emmanuel Eli Keke bætti við þriðja markinu. Hann bætti svo við fjórða markinu tíu mínútum síðar en það dæmt af vegna rangstöðu.

Þróttur brunaði í sókn og minnkaði Samuel George Floyd muninn í 3-1. Á 83. mínútu leiksins fékk Hreinn Ingi Örnólfsson beint rautt spjald fyrir groddaralegt brot er hann stöðvaði skyndisókn Víkinga. Fór það svo að Víkingar unnu 3-1 sigur og tryggðu sér sæti í 32-liða úrslitum.

Pétur Bjarnason tryggði Vestra 1-0 sigur á 4. deildarliði KFR í dag með marki á 77. mínútu en leikið var á Ísafirði. Vestri leikur í Lengjudeildinni í sumar en átti erfitt með að brjóta varnarmúr gestanna á bak aftur.

Fjöldi annarra leikja, bæði í karla- og kvennaflokki, er á dagskrá síðar í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.