Hásinin hjálpaði Söru að forðast smit: „Er hvort sem er í hálfgerðri sóttkví“ Sindri Sverrisson skrifar 30. mars 2021 15:30 Sara Björk Gunnarsdóttir stillir sér upp í myndatöku fyrir UEFA vegna Meistaradeildar Evrópu. Getty/Tullio Puglia „Ég er bara góð. Ég er alla vega ekki með Covid,“ segir Sara Björk Gunnarsdóttir, landsliðsfyrirliði í fótbolta. Hún vonast til þess að langvinn meiðsli í hásin hafi hjálpað henni að forðast kórónuveirusmit. Fjórir samherjar Söru úr franska meistaraliðinu Lyon greindust með kórónuveirusmit í gær. Stórleik liðsins við erkifjendurna í PSG, í átta liða úrslitum Meistaradeildar Evrópu, var því frestað um óákveðinn tíma en hann átti að fara fram á morgun. Vegna meiðsla var ljóst að Sara yrði ekki með á morgun. Hún fer í smitpróf á morgun til að ganga úr skugga um að hún hafi ekki smitast af veirunni í gegnum einhver þeirra sex (fimm leikmenn og einn úr starfsliði) sem smitast hafa hjá Lyon síðustu daga. „Þegar fyrsta smitið kom upp þá var það í útileik gegn Dijon. Ég var ekki með liðinu þá, svo ég hef sloppið hingað til,“ segir Sara í samtali við Vísi í dag. Hún segir hina smituðu liðsfélaga sína ekki hafa fundið fyrir sérstökum einkennum enn sem komið er. „Við förum allar í test í fyrramálið og þá kemur í ljós hvert framhaldið verður. Ég veit ekki hvernig þetta virkar varðandi sóttkví, sérstaklega þar sem ég er ekki búin að vera í kringum liðið núna. En svo er „lockdown“ hérna í Lyon svo að maður er hvort sem er í hálfgerðri sóttkví. Það eina sem breytist er að liðið getur ekki æft saman,“ segir Sara og bætir við: „Við megum reikna með því að liðið geti ekki æft næstu daga. Við fáum send tæki og tól heim til okkar svo að við getum æft einar í alla vega 5-7 daga.“ Lyon varð Evrópumeistari í fyrra. Sara Björk Gunnarsdóttir skoraði síðasta mark úrslitaleiksins og innsiglaði sigurinn, gegn sínu gamla liði Wolfsburg.EPA-EFE/Gabriel Bouys Brátt tekur við landsleikjahlé en Sara hafði þegar þurft að hætta við að fara til móts við íslenska landsliðið vegna meiðsla sinna. Smitin hafa því ekki áhrif þáttöku hennar en liðsfélagar hennar gætu misst af landsleikjum: „Félagið hefði alltaf leyft mér að fara, alla vega áður en þetta kom upp. Ég veit ekki hvernig þetta verður núna hjá þeim okkar sem áttu að vera að fara í landsliðsverkefni,“ segir Sara. Hásinin angrað Söru síðan á gervigrasinu í Malmö Eins og fyrr segir hafa meiðsli í hásin verið að angra Söru. Hún sat á varamannabekknum þegar Lyon vann 1-0 útisigur gegn PSG í fyrri leik liðanna í Meistaradeildinni og var ekki með í 3-0 útisigri gegn Dijon á laugardaginn. Þessi hásinarmeiðsli hafa fylgt Söru í mörg ár og urðu meðal annars til þess að hún varð að fara af velli í úrslitaleik Meistaradeildarinnar vorið 2018, þegar hún var leikmaður þýska félagsins Wolfsburg. Áður en Sara fór til Þýskalands var hún leikmaður Malmö og Rosengård árin 2011-2016. „Ef ég á að vera hreinskilin þá hefur þetta angrað mig síðan ég var í Malmö í Svíþjóð, á gervigrasinu. Ekki eins mikið og núna en ég fann alveg fyrir þessu þá. Þetta varð svo meira með auknu álagi í Þýskalandi, og ég byrja að finna til í hásininni þegar það eru margir leikir á stuttum tíma,“ segir Sara. „Ég hef verið til skiptis á æfingum og í sjúkraþjálfun undanfarið. Það er verið að passa upp á álagið eins og ég er vön að þurfa að gera á þessum tímapunkti á leiktíðinni,“ segir Sara, en gæti hún spilað leikinn við PSG verði leikurinn settur á eftir landsleikjahléið, upp úr miðjum apríl? „Það verður bara að koma í ljós. Maður gerir allt til að geta spilað og ég er í góðum höndum hérna úti. Vonandi hjálpar það mér að fá þennan tíma. Þetta er svolítið upp og niður hjá mér. Mér líður vel einn daginn en svo er ég mjög slæm hinn daginn. Þetta er pirrandi, og hefur verið svona í langan tíma.“ Meistaradeild Evrópu Faraldur kórónuveiru (COVID-19) Mest lesið Hrókeringar í markmannsmálum Man City Enski boltinn Cosic skaut Njarðvík á toppinn áður en hann fer til KR Íslenski boltinn Spánverjar örugglega áfram þrátt fyrir vítaklúður Fótbolti Töpuðu stórt áður en þeir mæta Blikum í Meistaradeildinni Fótbolti Vélmennið leiðir Opna breska Golf Dagskráin í dag: Opna og sex stiga leikur á Akureyri Sport Andri Fannar á leið frá Bologna enn á ný Fótbolti Lars Lagerbäck: Það verður enginn hálshöggvinn fyrir þetta Fótbolti Hittust á Íslandi og keyptu Mbeumo Enski boltinn Reyndi allt til að koma kúlunni niður Golf Fleiri fréttir Hrókeringar í markmannsmálum Man City Cosic skaut Njarðvík á toppinn áður en hann fer til KR Spánverjar örugglega áfram þrátt fyrir vítaklúður Töpuðu stórt áður en þeir mæta Blikum í Meistaradeildinni Andri Fannar á leið frá Bologna enn á ný Hófu titilvörnina á naumum sigri Ince missir prófið og þarf að borga yfir milljón í sekt Afturelding að styrkja sig fyrir seinni hlutann Madueke skrifar undir hjá Arsenal Goðsögnin sorgmædd yfir aðstöðunni Lars Lagerbäck: Það verður enginn hálshöggvinn fyrir þetta Víkingur afturkallar Daða Berg: Fær ekki að spila bikarúrslitaleikinn Hittust á Íslandi og keyptu Mbeumo Guðrún til Braga í Portúgal: „Nýr klettur í vörninni okkar“ Mbeumo gengur til liðs við Manchester United Sjáðu öll átta mörk Víkings og miðjumark Tryggva Fimm íslenskir Evrópusigrar, sautján mörk í plús og met Blika og KR féll Mætti inn á með brúðkaupsmyndina á legghlífinni og breytti leiknum Nördarnir sem sigruðu Ísland: „Það fóru allir að hlæja“ Birnir Snær genginn til liðs við KA Hjálpaði til að vinna KR og var svo seldur Sló met Lennon og jafnaði met Atla Guðna Stuðningsmenn Manchester United oftast handteknir „Ég vildi prófa eitthvað alveg nýtt í umhverfi sem ég þekki ekki mikið“ „Þú setur ekki svona pressu á átján ára stelpu“ Guðrún kveður Rosengård Að minnsta kosti 57 marktilraunir í sögulegri endurkomu Snoop Dogg orðinn einn af eigendum Swansea City „Bikarleikurinn sat aðeins í mönnum“ „Skemmtilegt og erfitt að spila á móti Fram“ Sjá meira
Fjórir samherjar Söru úr franska meistaraliðinu Lyon greindust með kórónuveirusmit í gær. Stórleik liðsins við erkifjendurna í PSG, í átta liða úrslitum Meistaradeildar Evrópu, var því frestað um óákveðinn tíma en hann átti að fara fram á morgun. Vegna meiðsla var ljóst að Sara yrði ekki með á morgun. Hún fer í smitpróf á morgun til að ganga úr skugga um að hún hafi ekki smitast af veirunni í gegnum einhver þeirra sex (fimm leikmenn og einn úr starfsliði) sem smitast hafa hjá Lyon síðustu daga. „Þegar fyrsta smitið kom upp þá var það í útileik gegn Dijon. Ég var ekki með liðinu þá, svo ég hef sloppið hingað til,“ segir Sara í samtali við Vísi í dag. Hún segir hina smituðu liðsfélaga sína ekki hafa fundið fyrir sérstökum einkennum enn sem komið er. „Við förum allar í test í fyrramálið og þá kemur í ljós hvert framhaldið verður. Ég veit ekki hvernig þetta virkar varðandi sóttkví, sérstaklega þar sem ég er ekki búin að vera í kringum liðið núna. En svo er „lockdown“ hérna í Lyon svo að maður er hvort sem er í hálfgerðri sóttkví. Það eina sem breytist er að liðið getur ekki æft saman,“ segir Sara og bætir við: „Við megum reikna með því að liðið geti ekki æft næstu daga. Við fáum send tæki og tól heim til okkar svo að við getum æft einar í alla vega 5-7 daga.“ Lyon varð Evrópumeistari í fyrra. Sara Björk Gunnarsdóttir skoraði síðasta mark úrslitaleiksins og innsiglaði sigurinn, gegn sínu gamla liði Wolfsburg.EPA-EFE/Gabriel Bouys Brátt tekur við landsleikjahlé en Sara hafði þegar þurft að hætta við að fara til móts við íslenska landsliðið vegna meiðsla sinna. Smitin hafa því ekki áhrif þáttöku hennar en liðsfélagar hennar gætu misst af landsleikjum: „Félagið hefði alltaf leyft mér að fara, alla vega áður en þetta kom upp. Ég veit ekki hvernig þetta verður núna hjá þeim okkar sem áttu að vera að fara í landsliðsverkefni,“ segir Sara. Hásinin angrað Söru síðan á gervigrasinu í Malmö Eins og fyrr segir hafa meiðsli í hásin verið að angra Söru. Hún sat á varamannabekknum þegar Lyon vann 1-0 útisigur gegn PSG í fyrri leik liðanna í Meistaradeildinni og var ekki með í 3-0 útisigri gegn Dijon á laugardaginn. Þessi hásinarmeiðsli hafa fylgt Söru í mörg ár og urðu meðal annars til þess að hún varð að fara af velli í úrslitaleik Meistaradeildarinnar vorið 2018, þegar hún var leikmaður þýska félagsins Wolfsburg. Áður en Sara fór til Þýskalands var hún leikmaður Malmö og Rosengård árin 2011-2016. „Ef ég á að vera hreinskilin þá hefur þetta angrað mig síðan ég var í Malmö í Svíþjóð, á gervigrasinu. Ekki eins mikið og núna en ég fann alveg fyrir þessu þá. Þetta varð svo meira með auknu álagi í Þýskalandi, og ég byrja að finna til í hásininni þegar það eru margir leikir á stuttum tíma,“ segir Sara. „Ég hef verið til skiptis á æfingum og í sjúkraþjálfun undanfarið. Það er verið að passa upp á álagið eins og ég er vön að þurfa að gera á þessum tímapunkti á leiktíðinni,“ segir Sara, en gæti hún spilað leikinn við PSG verði leikurinn settur á eftir landsleikjahléið, upp úr miðjum apríl? „Það verður bara að koma í ljós. Maður gerir allt til að geta spilað og ég er í góðum höndum hérna úti. Vonandi hjálpar það mér að fá þennan tíma. Þetta er svolítið upp og niður hjá mér. Mér líður vel einn daginn en svo er ég mjög slæm hinn daginn. Þetta er pirrandi, og hefur verið svona í langan tíma.“
Meistaradeild Evrópu Faraldur kórónuveiru (COVID-19) Mest lesið Hrókeringar í markmannsmálum Man City Enski boltinn Cosic skaut Njarðvík á toppinn áður en hann fer til KR Íslenski boltinn Spánverjar örugglega áfram þrátt fyrir vítaklúður Fótbolti Töpuðu stórt áður en þeir mæta Blikum í Meistaradeildinni Fótbolti Vélmennið leiðir Opna breska Golf Dagskráin í dag: Opna og sex stiga leikur á Akureyri Sport Andri Fannar á leið frá Bologna enn á ný Fótbolti Lars Lagerbäck: Það verður enginn hálshöggvinn fyrir þetta Fótbolti Hittust á Íslandi og keyptu Mbeumo Enski boltinn Reyndi allt til að koma kúlunni niður Golf Fleiri fréttir Hrókeringar í markmannsmálum Man City Cosic skaut Njarðvík á toppinn áður en hann fer til KR Spánverjar örugglega áfram þrátt fyrir vítaklúður Töpuðu stórt áður en þeir mæta Blikum í Meistaradeildinni Andri Fannar á leið frá Bologna enn á ný Hófu titilvörnina á naumum sigri Ince missir prófið og þarf að borga yfir milljón í sekt Afturelding að styrkja sig fyrir seinni hlutann Madueke skrifar undir hjá Arsenal Goðsögnin sorgmædd yfir aðstöðunni Lars Lagerbäck: Það verður enginn hálshöggvinn fyrir þetta Víkingur afturkallar Daða Berg: Fær ekki að spila bikarúrslitaleikinn Hittust á Íslandi og keyptu Mbeumo Guðrún til Braga í Portúgal: „Nýr klettur í vörninni okkar“ Mbeumo gengur til liðs við Manchester United Sjáðu öll átta mörk Víkings og miðjumark Tryggva Fimm íslenskir Evrópusigrar, sautján mörk í plús og met Blika og KR féll Mætti inn á með brúðkaupsmyndina á legghlífinni og breytti leiknum Nördarnir sem sigruðu Ísland: „Það fóru allir að hlæja“ Birnir Snær genginn til liðs við KA Hjálpaði til að vinna KR og var svo seldur Sló met Lennon og jafnaði met Atla Guðna Stuðningsmenn Manchester United oftast handteknir „Ég vildi prófa eitthvað alveg nýtt í umhverfi sem ég þekki ekki mikið“ „Þú setur ekki svona pressu á átján ára stelpu“ Guðrún kveður Rosengård Að minnsta kosti 57 marktilraunir í sögulegri endurkomu Snoop Dogg orðinn einn af eigendum Swansea City „Bikarleikurinn sat aðeins í mönnum“ „Skemmtilegt og erfitt að spila á móti Fram“ Sjá meira