Menning

RAX Augnablik: „Það er ekki auðvelt að reyna við þessar“

Sylvía Rut Sigfúsdóttir skrifar
Tomas og nunnurnar í Færeyjum árið 1988.
Tomas og nunnurnar í Færeyjum árið 1988. RAX

Í vinnuferð í Færeyjum árið 1988 kynntist Ragnar Axelsson manni að nafni Tomas. Ljósmyndarinn segir að Færeyjar séu einn af sínum uppáhalds stöðum og að þar sé besta fólk í heiminum.

„Mér fannst hann svo flottur, mér fannst hann eins og sjóræningi. Með húfuna skakka, flottan svip og sat á stein og reykti og spýtti að sjóarasið.“

Þegar þeir Tomas og RAX voru á gangi ásamt tveimur vinum Tomasar mættu þeir hópi af nunnum. Þegar þær gengu í burtu lét Tomas út úr sér

„Það er ekki auðvelt að reyna við þessar.“

RAX segir að Tomas hefði getað passað inn í hlutverk í hvaða sjóræningjamynd sem er.RAX

Honum til mikillar furðu heyrðu þær í honum og sneru strax við. Vinir hans voru fljótir að forða sér svo Tomas stóð einn eftir.

Frásögnina í heild sinni má heyra í spilaranum hér fyrir neðan. Þar segir ljósmyndarinn meðal annars frá því þegar hann reyndi að finna Tomas aftur nokkrum árum síðar. RAX Augnablik eru örþættir og Tomas og nunnurnar er rúmar þrjár mínútur.

Klippa: RAX Augnablik - Tomas og nunnurnar

Þetta er ekki fyrsti kvennahópurinn sem verður á vegi Ragnars Axelssonar. Í þættinum Maríurnar í Lombardinha, segir hann frá skemmtilegum konum sem hann kynntist á Ítalíu.

RAX hefur áður sagt sögur frá Færeyjum í þáttunum RAX Augnablik, enda hefur hann ferðast oft þangað og var meðal annars í mánuð þar að mynda fyrir frímerki þeirra. Hér fyrir neðan má finna nokkrar færeyskar sögur sem vakið hafa athygli síðustu mánuði hér á Vísi. 

Myndirnar af bræðrunum Friðriki og Sófusi voru einstaklega skemmtilegar. RAX hitti bræðurna í heimsókn sinni í þorpið Elduvík í Færeyjum árið 1997.

Í Fugley kynntist ljósmyndarinn einstökum karakterum eins og Árna Dal, Oliviu, Guttormi og Símoni. RAX leið eins og hann væri staddur í leikriti.


Í þáttunum RAX AUGNABLIK segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+. 

Hægt er að sjá alla þættina HÉR á Vísi.


Tengdar fréttir

RAX Augnablik: Forvitnin varð þeirra banabiti

„Ég þekkti engan og var svona að kynnast mönnum og finna út hverja væri best að tala við. Ole var vinalegur og við urðum ágætis vinir. Hann var mjög góður maður,“ segir ljósmyndarinn Ragnar Axelsson um Ole Nyelsen.

RAX Augnablik: „Þarna var hestur og ég gaf honum smá kók“

„Manni finnst svolítið eins og maður sé að endurtaka sig. Maður þarf alltaf að vera að reyna að finna eitthvað nýtt. Manni finnst vanta eitthvað. Maður er aldrei fullkomlega sáttur við það sem maður er að gera,“ segir Rax þegar hann talar um gerð bókarinnar Fjallland.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.