Lífið

Edda og Helga létu raka af sér allt hárið fyrir gott málefni

Stefán Árni Pálsson skrifar
164623941_3762747710441817_1822558736419779012_o

Frænkurnar Edda Sigrún Jónsdóttir og Helga Lára Grétarsdóttir rökuðu af sér allt hárið í Íslandi í dag á Stöð 2 í gærkvöld.

Þær hafa báðar upplifað krabbamein í fjölskyldu sinni þar sem nokkrir fjölskyldumeðlimir þeirra hafa greinst með krabbamein.

Faðir Helgu Láru lést úr krabbameini í höfði fyrir fjórum árum og móðursystir þeirra fékk krabbamein aðeins ellefu ára og missti annan handlegginn vegna veikindanna.

Þær ákváðu því að láta gott af sér leiða og sameina krafta sína og fóru í söfnun á netinu fyrir Kraft stuðningsfélag fyrir ungt fólk sem greinst hefur með krabbamein og aðstandendur þeirra.

Þær söfnuðu þannig áheitum og sögðu að ef þær myndu safna 300 þúsund krónum myndu þær báðar raka af sér allt hárið.

Vala Matt fór fyrir Ísland í dag og fylgdist með því þegar þær rökuðu af sér allt fagra hárið og ekki var laust við að tilfinningar og nokkur tár vegna geðshræringar sæjust en einnig bros og gleði.

Hér að neðan má sjá innslagið í heild sinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.