Fótbolti

„Skotland, hér komum við!“

Anton Ingi Leifsson skrifar
Keane og Richards fyrir leik Man. City og Liverpool fyrr á leiktíðinni.
Keane og Richards fyrir leik Man. City og Liverpool fyrr á leiktíðinni. Visionhaus/Getty

Micah Richards og Roy Keane eru afar ólíkar persónur en þeir hafa verið sérfræðingateymi Sky Sports undanfarin ár.

Þeir hafa birt af sér skemmtileg myndbönd, þá sér í lagi Richards af Keane, og þeir hafa vakið lukku á Sky Sports.

Nú er Roy Keane hins vegar orðaður við stjórastólinn hjá skoska stórliðinu Celtic en þeir eru nú án stjóra.

Neil Lennon hætti með liðið í síðasta mánuði en allt hefur gengið á afturfótunum hjá Celtic á tímabilinu.

Keane er sagður hafa mikinn áhuga á starfinu en Celtic tapaði skoska meistaratitlinum til Rangers í fyrsta sinn í lengri tíma.

Roy Keane lék með Celtic-liðinu árið 2006 og varð meistari en nú er hann sagður vilja þjálfa liðið.

Richards sló á létta strengi á Twitter-síðu sinni í gær og skrifaði:

„Ég er búinn að pakka. Skotland, hér komum við!“ sagði Richards við færslu BBC um áhuga Keane á Celtic starfinu.

Þetta yrði ekki fyrsta stjórastarf Keane. Hann stýrði Sunderland á árunum 2006 til 2008 og Ipwsich frá 2009 til 2011.

Hann hefur svo einnig verið aðstoðarmaður hjá írska landsliðinu, Aston Villa og Nottingham Forest.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.