Lífið samstarf

Óþægindi í leggöngum hrjá meirihluta kvenna á lífsleiðinni

Alvogen
Meirihluti kvenna þjáist af óþægindum á kynfærasvæði einhverntíman á lífsleiðinni. 
Meirihluti kvenna þjáist af óþægindum á kynfærasvæði einhverntíman á lífsleiðinni. 

Multi-Gyn vörulínan frá Alvogen meðhöndlar og fyrirbyggir bakteríusýkingar og þurrk í leggöngum en meirihluti kvenna þjáist af slíkum óþægindum á lífsleiðinni.

„Þrjár af hverjum fjórum konum þjást af óþægindum í leggöngum einhvern tímann á lífsleiðinni. Bakteríusýking eða skeiðarsýklun er ein algengasta sýkingin í leggöngum kvenna,“ útskýrir Þóra Margrét Jónsdóttir, markaðsfulltrúi hjá Alvogen en Multi-Gyn vörulínan frá Alvogen inniheldur fjórar vörur sem meðhöndla og fyrirbyggja óþægindi í leggöngum.

Þóra Margrét Jónsdóttir markaðsfulltrúi Alvogen

Þóra segir ýmsar ástæður geta valdið því að skaðlegar bakteríur ná sér á strik. „Þegar ójafnvægi kemur upp í flóru legganganna getur sýking myndast. Þá ná skaðlegar bakteríur sér á strik á kostnað góðra baktería (Lactobacillus baktería) og náttúrulegar varnir slímhúðarinnar veikjast. Það getur gerst þegar röskun verður á sýrustigi í leggöngum. Sýrustigð getur til dæmis raskast í tengslum við blæðingar, hormónagetnaðarvarnir, í kjölfar inntöku sýklalyfja, eftir kynlíf, vegna tíðra þvotta á klofsvæði, of þröngan fatnað og einnig þegar konan er undir miklu álagi og streitu,“ segir Þóra. Konur finni fyrir kláða og sviða á kynfærasvæði sem fylgir vond lykt sem minnir á fiskifýlu og þá geti bakteríusýkingu fylgt gráhvít eða grænleit útferð.

Sveppasýking í leggöngum er einnig algeng en sveppurinn Candida albicans er orsök hennar. Þessi sveppur er hluti af eðlilegri flóru í leggöngum kvenna en getur við vissar aðstæður fjölgað sér óeðlilega mikið og þannig valdið óþægindum.

„Orsakaþættir geta t.d. verið inntaka sýklalyfja, meðganga, hormónagetanðarvarnir, sykursýki og fleira,“ segir Þóra. „Einkenni sveppasýkinga í leggöngum eru kláði og óþægindi á kynfærasvæði, hvít þykk og kekkjótt útferð sem minnir á kotasælu, roði og bólga og brennandi tilfinning við kynlíf. Algengt er að meðhöndla sveppsýkingu í leggöngum með sveppalyfjum í formi hylkja til inntöku eða með staðbundnum meðferðum eins og kremum og leggangastílum. Þessar meðferðir geta hinsvegar haft áhrif á náttúrulega örveruflóru legganga og valdið aukaverkunum.“

Þurrkur í leggöngum tengist hormónasveiflum

„Leggangaþurrkur er eitthvað sem margar konur finna líka fyrir einhvern tímann á lífsleiðinni. Þurrkur í leggöngum stafar oft af skorti á kvenhormóninu estrógeni en við það verður slímhúðin þynnri, þurrari og viðkvæmari. Það er því algengt að konur finni fyrir þessum einkennum við og eftir tíðarhvörf,“ útskýrir Þóra. „Estrógen lækkar þó ekki einungis við tíðahvörf heldur getur það einnig gerst þegar kona er með barn á brjósti, við fæðingu barns og í krabbameinsmeðferð. Einnig getur þurrkur í leggöngum komið fram vegna notkunar lyfja sem hafa áhrif á hormónabúskapinn eins og ákveðin getnaðarvarnalyf eða lyf sem eru notuð til að meðhöndla legslímuflakk.“

Aðrar orsakir leggangaþurrks geta verið ofnæmi, Sjögren sjúkdómurinn, mikil sápunotkun og fleira. Leggangaþurrkur getur stuðlað að ójafnvægi á örveruflóru legganga og þannig aukið líkur á að sýkingu.Helstu einkenni leggangaþurrkseru kláði og eymsli í leggöngum, tíðar þvagfærasýkingar og óþægindi eða sársauki við samfarir.

Multi-Gyn meðhöndlar og fyrirbyggir óþægindi

„Konur þurfa oft ekki að leita til læknis varðandi öll þessi fyrrgreind einkenni heldur geta fengið vörur í apótekum sem virka vel gegn þessum vandamálum,“ segir Þóra. „Alvogen er með Multi-Gyn vörulínuna sem inniheldur fjórar vörur til að meðhöndla og fyrirbyggja óþægindi í leggöngum eins og kláða, ertingu, sviða, vonda lykt og óeðlilega útferð. Multi-Gyn vörurnar verka samstundis, þær eru náttúrulegar og kvensjúkdómalæknar mæla með þeim. Mælst er þó til að konur leiti til læknis ef einkennin minnka ekki við meðferð,“ segir Þóra.

Hvernig virkar Multi-Gyn?

„Multi-Gyn vörurnar innihalda 2QR sem er einkaleyfisvarið efnasamband sem aðgreinir þær frá sambærilegum vörum á markaði og gerir þær einstakar. 2QR efnasambandið er stór neikvætt hlaðin fjölsykra unnin úr Aloe vera plöntunni. 2QR efnasambandið binst yfirborði örvera og kemur í veg fyrir að örverurnar geti loðað við þekjuvefsfrumur í leggöngum. Þannig er komið í veg fyrir að örverur komist inn í frumur og valdi sýkingu,“ útskýrir Þóra. „2QR efnasambandið hefur ekki áhrif á heilbrigða örveruflóru. 2QR virkar á fjölda ólíkra skaðlegra örvera og þar sem verkunarmátinn er ekki sérhæfður þá eru litlar líkur á að örverur myndi mótstöðu við efnasambandinu. Ásamt því að vera sýkingavörn hefur 2QR einnig kælandi og græðandi áhrif. Engar þekktar aukaverkanir né milliverkanir eru við notkun Multi-Gyn varanna. Vörurnar má nota samhliða sýkla- og sveppalyfjum. Hafa skal í huga að notkun sýklalyfja er óumflýjanleg ef um alvarlega sýkingu er að ræða“

Multi-Gyn ActiGel er gel sem fyrirbyggir og meðhöndlar bakteríusýkingar (skeiðarsýklun) og óþægindi í leggöngum. Gelið dregur úr helstu einkennum bakteríusýkinga í leggöngum s.s vondri lykt sem minnir á fiskifýlu, útferð sem er vatnskennd og grá-hvít, kláða, roða og ertingu. Stjaka fylgir til að auðvelda ísetningu í leggöng. Má einnig nota útvortis á barma. Túpan inniheldur um 25 skammta. Inniheldur 2QR og eingöngu náttúruleg innihaldsefni. Án allra aukaefna.

Multi-Gyn ActiGel fyrirbyggir og meðhöndlar bakteríusýkingar (skeiðarsýklun) og óþægindi í leggöngum.

Multi-Gyn FloraPlus er áhrifaríkt gel við sveppasýkingu í leggöngum og einkennum hennar eins og kláða, ertingu og þykkri kornóttri hvítri útferð sem minnir á kotasælu. FloraPlus inniheldur bætisykrur sem örva og styðja við vöxt góðra Lactobacillus baktería og stuðla að réttu sýrustigi í leggöngum. Inniheldur 2QR ásamt bætisykrum. Án allra aukaefna.Multi-Gyn FloraPlus hefur áhrif á sýrustig (lágt pH) í leggöngum og þar sem sæði er basískt (hátt pH) getur það hamlað virkni sæðisfruma þegar FloraPlus er notað. Því ætti ekki að nota FloraPlus í nokkrar klukkustundir eftir samfarir ef þú vilt verða ólétt.

Multi-Gyn FloraPlus er áhrifaríkt gel við sveppasýkingu í leggöngum

Multi-Gyn LiquiGel er gel sem meðhöndlar þurrk í leggöngum. LiquiGel virkar hratt gegn þurrki, ertingu og kláða í leggöngum. Það fyrirbyggir ertingu við samfarir, stuðlar að náttúrulegum raka í leggöngum og verndar heilbrigða örveruflóru þeirra. Hentar einnig vel sem sleipiefni við samfarir. Inniheldur 2QR og eingöngu náttúruleg innihaldsefni. Án allra aukaefna.

Multi-Gyn LiquiGel meðhöndlar þurrk í leggöngum

Multi-Gyn Kompressur meðhöndla og fyrirbyggja óþægindi á kynfæra- og klofsvæði s.s ertingu, útbrot, of teygða húð, minniháttar sár, sprungur og gyllinæð. Kompressurnar eru sérstaklega hentugar til að draga úr óþægindum á meðgöngu og eftir fæðingu. Kompressurnar hafa bein róandi áhrif á óþægindi á ytra klofsvæði. Þær draga úr bólgum, draga úr líkum á sýkingu og styðja við og hraða náttúrulegum gróanda lasakaðrar húðar. Kompressurnar henta einstaklega vel eftir fæðingu (t.d. ef þarf að sauma) og til að fá aukin kælandi áhrif má setja kompressurnar í kæli. Kompressurnar stuðla að kjörumhverfi fyrir eðlilega og náttúrulega bakteríuflóru, gelið meðhöndlar einnig vefinn á kynfæra- og klofsvæði.

Pakkinn inniheldur 12 kompressur, hver gegndreypt 1,8 g af lífvirku geli. Inniheldur 2QR og eingöngu náttúruleg innihaldsefni. Án allra aukaefna.

Multi-Gyn Kompressur meðhöndla og fyrirbyggja óþægindi á kynfæra- og klofsvæði.

Allar vörurnar eru skráðar sem lækningatæki þar sem virkni þeirra hefur verið sönnuð með viðurkenndum klínískum rannsóknum. Multi-Gyn vörurnar fást í næsta apóteki og versluninni Móðurást.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.