Ekki ásættanlegt að gera landsliðsþjálfarastarfið að hlutastarfi Sindri Sverrisson skrifar 25. janúar 2021 12:54 Elísabet Gunnarsdóttir og Guðni Bergsson áttu í viðræðum árið 2018 og aftur nú í ársbyrjun, um að Elísabet tæki við kvennalandsliðinu í fótbolta. @kristianstadsdff og Vísir/Vilhelm „Ég held að við værum ekki einu sinni að ræða þetta ef að um karlalandsliðið væri að ræða,“ segir Guðni Bergsson, formaður KSÍ, um þá niðurstöðu að ráða ekki Elísabetu Gunnarsdóttur í starf landsliðsþjálfara samhliða starfi hennar sem þjálfari Kristianstad. Elísabet kvaðst í viðtali við Fótbolta.net í dag vera „drullusvekkt“ yfir því að hafa ekki verið ráðin þjálfari kvennalandsliðs Íslands. Nú bendir allt til þess að Þorsteinn Halldórsson, þjálfari Breiðabliks, fái starfið. Elísabet átti líkt og fleiri í viðræðum við KSÍ um starfið en setti fram þá kröfu að hún yrði áfram þjálfari Kristianstad í Svíþjóð út komandi keppnistímabil. Þar hefur Elísabet gert frábæra hluti en hún kom liðinu í Meistaradeild Evrópu á síðustu leiktíð og var meðal annars valin þjálfari ársins á Íslandi, af Samtökum íþróttafréttamanna. Vildu ekki taka skref til baka „Við vorum á endanum ekki tilbúin að taka skrefið til baka og gera landsliðsþjálfarastarfið að hlutastarfi. Um það snýst þetta mál. Það eru nokkur ár síðan að þetta starf var gert að fullu starfi. Eins miklar mætur og við höfum á Elísabetu, þó að við höfum rætt við fleiri umsækjendur eins og hún vissi, þá töldum við það ekki ásættanlegt [að hún þjálfaði félagslið á sama tíma],“ segir Guðni við Vísi í dag. Íslenska landsliðið vann sig inn á EM fyrir áramót, undir stjórn Jóns Þórs Haukssonar sem svo sagði af sér. EM fer fram í Englandi sumarið 2022.vísir/vilhelm Elísabet kvaðst hafa átt tvo fundi með KSÍ og að hún hefði rætt við sambandið í tvær vikur, með það í huga að hún myndi þjálfa Kristianstad og landsliðið í ár en hætta svo hjá Kristianstad og taka alfarið við landsliðinu. Var þá ekki skýrt frá upphafi að dæmið gengi ekki upp? „Það er bara ekki við hæfi að fara út í viðræður við einstaka umsækjendur. Við ræddum við hana eins og aðra um hugmyndafræði, stöðu gagnvart starfinu og svo framvegis. Það var bara eðlilegur gangur í því,“ segir Guðni og bætir við: „Eftir að við höfðum rætt saman þá sögðum við að við þyrftum að fá hana í hundrað prósent starf til okkar. Það var niðurstaðan af okkar hálfu og hún var ekki tilbúin í það. Eins og alltaf þá verður niðurstaðan að henta báðum aðilum, eins og hún sagði líka sjálf. Þannig var það ekki í þessu tilviki. Við erum líka með aðra mjög góða umsækjendur og því var þetta niðurstaðan gagnvart henni.“ Segir verulegt álag á liðinu í ár þrátt fyrir faraldurinn En í ljósi þess að KSÍ hafði áhuga á Elísabetu, sem lengi hefur þótt afar álitlegur kostur fyrir landsliðið, var ekki hægt að sýna sveigjanleika í ljósi þess að minna álag er á landsliðinu í ár en oft áður, meðal annars vegna kórónuveirufaraldursins? EM í Englandi 2022 hlýtur að skipta mestu máli? „Það er verulegt álag. Við ætlum okkur að reyna eins og við getum í núverandi ástandi að spila þónokkuð af æfingaleikjum, við höfum hug á að byrja með U23-lið sem að frestaðist út af ástandinu á síðasta ári, og erum að byrja undankeppni HM í haust og ætlum okkur á HM. Verkefnin eru því ærin, og þau eru það væntanlega líka úti í Svíþjóð þar sem Elísabet hefur náð frábærum árangri og verður með lið sitt í Meistaradeild Evrópu í fyrsta sinn í sögu þess. Þar stendur hnífurinn í kúnni. Við óskum Elísabetu velfarnaðar og væntum þess að hún komi af fullum krafti þegar þar að kemur, í íslenska fótboltann. Við hlökkum öll til að fá hana til Íslands,“ segir Guðni. Búseta skipti ekki máli Þetta er í annað sinn sem að Guðni ræðir við Elísabetu um að taka við starfi landsliðsþjálfara. Áður en Jón Þór Hauksson tók við liðinu af Frey Alexanderssyni haustið 2018 átti Elísabet nefnilega í viðræðum um að taka við starfinu. Hún sagði eftir á að þær hefðu strandað á því að KSÍ teldi æskilegt að þjálfarinn væri búsettur á Íslandi. Guðni segir það ekki hafa skipt máli, hvorki þá né nú: „Það var ekki frágangssök að hún væri búsett erlendis. Það skipti ekki máli, heldur það að hún væri í öðru starfi. Ég ætla ekki að fara að tjá mig um hvað hún sagði fyrir einhverjum árum. Við teljum bara að það sé fullt starf að vera landsliðsþjálfari kvenna. Það er kjarni málsins.“ Guðni kvaðst vongóður um að nýr landsliðsþjálfari kvenna yrði kynntur mjög fljótlega. KSÍ EM 2021 í Englandi Tengdar fréttir Elísabet drullusvekkt með að verða ekki landsliðsþjálfari Ekkert verður af því að Elísabet Gunnarsdóttir taki við íslenska kvennalandsliðinu í fótbolta. Samningaviðræður hennar og KSÍ sigldu í strand. 25. janúar 2021 11:25 Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Freyr nærri kraftaverki: „Þetta var fokking taugatrekkjandi“ Fótbolti Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Baunað á Brady: „Þín verður ávallt minnst sem tíkar Eli Manning“ Sport Aðeins einum leik frá ótrúlegu meti Fótbolti Dómarinn verður með myndavél á höfðinu Enski boltinn Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Lýkur Gylfi markaþurrð Vals á Kópavogsvelli? Nánast uppselt á leik kvöldsins Dómarinn verður með myndavél á höfðinu Freyr nærri kraftaverki: „Þetta var fokking taugatrekkjandi“ Bæjarar skoði að ráða ten Hag Öll mörkin í gær: Sjáðu hvernig HK vann meistarana og kóngurinn komst á blað Lopetegui tekur við West Ham Lýsti Haaland sem „ofdekruðum krakka“ Stórfurðuleg atburðarás þegar markvörður KR sá rautt Aðeins einum leik frá ótrúlegu meti Albert Guðmunds: Verður að hafa sjálfstraust og trúa á sjálfan þig Miðvarðamartröð Man United heldur áfram „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Eftir það fannst mér við bara slökkva ljósin og fara heim“ „Hef aldrei séð markmann fá gult spjald fyrir leiktöf eftir átta sek” „Við missum okkur ekkert yfir þessum sigri“ Lærisveinar Freys felldu Guðlaug Victor og Alfreð Finnboga „Komum sterkt til baka og kláruðum þetta“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Sverrir Ingi lagði upp sigumarkið sem galopnaði toppbaráttuna Samherjar Alberts náðu í stig í Mílanó Uppgjör og viðtöl: KA-KR 1-1 | Smit stal fyrirsögnunum enn og aftur Markasúpa þegar Liverpool komst á sigurbraut Hilmir Rafn kominn á blað í Noregi Sjáðu frábært mark hjá Arnóri Ingva sem dugði þó skammt Langt hlé gert á leik hjá Guðrúnu vegna mikillar rigningar Sjá meira
Elísabet kvaðst í viðtali við Fótbolta.net í dag vera „drullusvekkt“ yfir því að hafa ekki verið ráðin þjálfari kvennalandsliðs Íslands. Nú bendir allt til þess að Þorsteinn Halldórsson, þjálfari Breiðabliks, fái starfið. Elísabet átti líkt og fleiri í viðræðum við KSÍ um starfið en setti fram þá kröfu að hún yrði áfram þjálfari Kristianstad í Svíþjóð út komandi keppnistímabil. Þar hefur Elísabet gert frábæra hluti en hún kom liðinu í Meistaradeild Evrópu á síðustu leiktíð og var meðal annars valin þjálfari ársins á Íslandi, af Samtökum íþróttafréttamanna. Vildu ekki taka skref til baka „Við vorum á endanum ekki tilbúin að taka skrefið til baka og gera landsliðsþjálfarastarfið að hlutastarfi. Um það snýst þetta mál. Það eru nokkur ár síðan að þetta starf var gert að fullu starfi. Eins miklar mætur og við höfum á Elísabetu, þó að við höfum rætt við fleiri umsækjendur eins og hún vissi, þá töldum við það ekki ásættanlegt [að hún þjálfaði félagslið á sama tíma],“ segir Guðni við Vísi í dag. Íslenska landsliðið vann sig inn á EM fyrir áramót, undir stjórn Jóns Þórs Haukssonar sem svo sagði af sér. EM fer fram í Englandi sumarið 2022.vísir/vilhelm Elísabet kvaðst hafa átt tvo fundi með KSÍ og að hún hefði rætt við sambandið í tvær vikur, með það í huga að hún myndi þjálfa Kristianstad og landsliðið í ár en hætta svo hjá Kristianstad og taka alfarið við landsliðinu. Var þá ekki skýrt frá upphafi að dæmið gengi ekki upp? „Það er bara ekki við hæfi að fara út í viðræður við einstaka umsækjendur. Við ræddum við hana eins og aðra um hugmyndafræði, stöðu gagnvart starfinu og svo framvegis. Það var bara eðlilegur gangur í því,“ segir Guðni og bætir við: „Eftir að við höfðum rætt saman þá sögðum við að við þyrftum að fá hana í hundrað prósent starf til okkar. Það var niðurstaðan af okkar hálfu og hún var ekki tilbúin í það. Eins og alltaf þá verður niðurstaðan að henta báðum aðilum, eins og hún sagði líka sjálf. Þannig var það ekki í þessu tilviki. Við erum líka með aðra mjög góða umsækjendur og því var þetta niðurstaðan gagnvart henni.“ Segir verulegt álag á liðinu í ár þrátt fyrir faraldurinn En í ljósi þess að KSÍ hafði áhuga á Elísabetu, sem lengi hefur þótt afar álitlegur kostur fyrir landsliðið, var ekki hægt að sýna sveigjanleika í ljósi þess að minna álag er á landsliðinu í ár en oft áður, meðal annars vegna kórónuveirufaraldursins? EM í Englandi 2022 hlýtur að skipta mestu máli? „Það er verulegt álag. Við ætlum okkur að reyna eins og við getum í núverandi ástandi að spila þónokkuð af æfingaleikjum, við höfum hug á að byrja með U23-lið sem að frestaðist út af ástandinu á síðasta ári, og erum að byrja undankeppni HM í haust og ætlum okkur á HM. Verkefnin eru því ærin, og þau eru það væntanlega líka úti í Svíþjóð þar sem Elísabet hefur náð frábærum árangri og verður með lið sitt í Meistaradeild Evrópu í fyrsta sinn í sögu þess. Þar stendur hnífurinn í kúnni. Við óskum Elísabetu velfarnaðar og væntum þess að hún komi af fullum krafti þegar þar að kemur, í íslenska fótboltann. Við hlökkum öll til að fá hana til Íslands,“ segir Guðni. Búseta skipti ekki máli Þetta er í annað sinn sem að Guðni ræðir við Elísabetu um að taka við starfi landsliðsþjálfara. Áður en Jón Þór Hauksson tók við liðinu af Frey Alexanderssyni haustið 2018 átti Elísabet nefnilega í viðræðum um að taka við starfinu. Hún sagði eftir á að þær hefðu strandað á því að KSÍ teldi æskilegt að þjálfarinn væri búsettur á Íslandi. Guðni segir það ekki hafa skipt máli, hvorki þá né nú: „Það var ekki frágangssök að hún væri búsett erlendis. Það skipti ekki máli, heldur það að hún væri í öðru starfi. Ég ætla ekki að fara að tjá mig um hvað hún sagði fyrir einhverjum árum. Við teljum bara að það sé fullt starf að vera landsliðsþjálfari kvenna. Það er kjarni málsins.“ Guðni kvaðst vongóður um að nýr landsliðsþjálfari kvenna yrði kynntur mjög fljótlega.
KSÍ EM 2021 í Englandi Tengdar fréttir Elísabet drullusvekkt með að verða ekki landsliðsþjálfari Ekkert verður af því að Elísabet Gunnarsdóttir taki við íslenska kvennalandsliðinu í fótbolta. Samningaviðræður hennar og KSÍ sigldu í strand. 25. janúar 2021 11:25 Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Freyr nærri kraftaverki: „Þetta var fokking taugatrekkjandi“ Fótbolti Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Baunað á Brady: „Þín verður ávallt minnst sem tíkar Eli Manning“ Sport Aðeins einum leik frá ótrúlegu meti Fótbolti Dómarinn verður með myndavél á höfðinu Enski boltinn Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Lýkur Gylfi markaþurrð Vals á Kópavogsvelli? Nánast uppselt á leik kvöldsins Dómarinn verður með myndavél á höfðinu Freyr nærri kraftaverki: „Þetta var fokking taugatrekkjandi“ Bæjarar skoði að ráða ten Hag Öll mörkin í gær: Sjáðu hvernig HK vann meistarana og kóngurinn komst á blað Lopetegui tekur við West Ham Lýsti Haaland sem „ofdekruðum krakka“ Stórfurðuleg atburðarás þegar markvörður KR sá rautt Aðeins einum leik frá ótrúlegu meti Albert Guðmunds: Verður að hafa sjálfstraust og trúa á sjálfan þig Miðvarðamartröð Man United heldur áfram „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Eftir það fannst mér við bara slökkva ljósin og fara heim“ „Hef aldrei séð markmann fá gult spjald fyrir leiktöf eftir átta sek” „Við missum okkur ekkert yfir þessum sigri“ Lærisveinar Freys felldu Guðlaug Victor og Alfreð Finnboga „Komum sterkt til baka og kláruðum þetta“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Sverrir Ingi lagði upp sigumarkið sem galopnaði toppbaráttuna Samherjar Alberts náðu í stig í Mílanó Uppgjör og viðtöl: KA-KR 1-1 | Smit stal fyrirsögnunum enn og aftur Markasúpa þegar Liverpool komst á sigurbraut Hilmir Rafn kominn á blað í Noregi Sjáðu frábært mark hjá Arnóri Ingva sem dugði þó skammt Langt hlé gert á leik hjá Guðrúnu vegna mikillar rigningar Sjá meira
Elísabet drullusvekkt með að verða ekki landsliðsþjálfari Ekkert verður af því að Elísabet Gunnarsdóttir taki við íslenska kvennalandsliðinu í fótbolta. Samningaviðræður hennar og KSÍ sigldu í strand. 25. janúar 2021 11:25