Sverrir Ingi var á sínum stað í miðverði PAOK er liðið tók á móti AEK Aþenu í dag. Miðvörðurinn nældi sér í gult spjald strax á 13. mínútu leiksins. Fimm mínútum síðar kom Evgen Shakhov gestunum í AEK yfir.
José Angel Crespo jafnaði metin fyrir heimamenn þegar fimm mínútur voru eftir af fyrri hálfleik. Staðan því 1-1 er liðin gengu til búningsherbergja. Konstantinos Galanopoulos kom gestunum yfir snemma í síðari hálfleik en hægri bakvörðurinn Vieirinha jafnaði metin þegar tuttugu mínútur voru eftir af leiknum.
#FinalScore . - 2-2 #PAOKAEK #slgrinterwetten pic.twitter.com/NgXWcYVQ41
— PAOK FC (@PAOK_FC) January 24, 2021
Fleiri urðu mörkin ekki og lokatölur leiksins því 2-2. Það þýðir að AEK fer upp í annað sæti deildarinnar með 37 stig. Þar fyrir neðan eru Aris og PAOK með 36 stig. Olympiacos er svo með örugga forystu á toppi deildarinnar með 48 stig.