Appelsínugul viðvörun á stórum hluta landsins

Kolbeinn Tumi Daðason skrifar 8. janúar 2021 13:57

Akureyringar vilja fæstir kannast við annað en gott veður norðan heiða. Þeir eiga þó von á vondu veðri í nótt og fram eftir degi á morgun. Vísir/Tryggvi Páll

Almannavarnir vekja athygli á því að Veðurstofa Íslands hefur gefið út appelsínugula viðvörun á Norðausturlandi, Austurlandi, Austfjörðum, Suðausturlandi og á miðhálendinu sem tekur gildi klukkan tvö í nótt og gildir til klukkan 18 á morgun.

Búist er við norðvestan stormi með 20 til 30 metrum á sekúndu, snjókomu og skafrenningi og jafnvel stórhríð á þessum slóðum þegar verst lætur. Þá geta vindhviður geta náð allt að 45 metrum á sekúndu á Austfjörðum þar sem veðrið verður hvað verst.

Fólk er hvatt til þess að tryggja lausamuni til að forðast foktjón. Ekkert ferðaveður er á þessum slóðum á meðan veðrið gengur yfir og eru vegfarendur hvattir til þess að fylgjast með veðurspá á vefsíðu Veðurstofu Íslands og færð og ástandi vega á vefsíðu Vegagerðarinnar.

Almannavarnir Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.