Erlent

Sjöunda manneskjan fundin látin í Ask

Elísabet Inga Sigurðardóttir skrifar
Frá hamfarasvæðinu í Ask.
Frá hamfarasvæðinu í Ask. Tor Erik Schroeder/NTB via AP

Björgunarfólk í norska bænum Ask hefur nú fundið sjöundu manneskjuna látna á hamfarasvæðinu sem gríðarstórar skriður ollu á aðfaranótt miðvikudags. Þriggja er enn saknað.

Þetta kemur fram á vef norska ríkismiðilsins

Leit mun halda áfram fram eftir kvöldi og standa yfir í alla nótt og telur lögregla að enn sé von að finna fólk á lífi. 

Leitarsvæðið hefur verið stækkað nokkuð frá því sem var og hefur lögregla sagt að enn sé haldið í vonina um að einhver finnist á lífi, þó hún dvíni með hverjum deginum sem líður.

Björgunaraðilar hafa notið liðsinnis norska hersins við leitina, og þá hafa starfsmenn almannavarna dælt vatni úr tjörn sem hefur byrjað að renna inn á hamfarasvæðið og þannig torveldað leitina enn frekar.

Haraldur Noregskonungur og Sonja drottning heimsóttu bæinn Ask heim í dag og ræddu við fólk sem missti allt sitt í hamförunum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.