Giggs: Verðum ekki heimskir þegar kemur að formi Bale

Ryan Giggs, landsliðsþjálfari Wales, sagðist ekki ætla að vera heimskur þegar það kemur að formi Gareth Bale, heldur ætli hann að ræða vel við Bale um það hvort hann geti spilað gegn Hvíta-Rússlandi.

Bale skoraði sigurmark Wales á móti Aserbaísjan á föstudaginn en það er óvíst hvort hann sé í formi til þess að byrja gegn Hvíta-Rússlandi annað kvöld. Bale hefur ekki spilað mikið með Real Madrid en hann hefur spilað svo gott sem 90 mínútur í síðustu þremur leikjum.

„Hann leit út fyrir að vera í formi á föstudag, hann var út um allt á vellinum, hlaupandi og lagði hart að sér,“ sagði landsliðsþjálfarinn Giggs.

Bale tók þátt í æfingu Wales í morgun og segir Bale að hann hefði ekki tekið þátt í henni ef hann myndi ekki spila gegn Hvít-Rússum.

„Við verðum ekki heimskir. Hann er tveimur vikum á eftir hinum og hefur það ekki í sér að spila sex eða sjö leiki.“

„Hann á stóran leik fram undan á miðvikudaginn í næstu viku á móti PSG, svo ég mun tala við hann á eftir,“ sagði Giggs á blaðamannafundi sínum fyrr í dag.