Góðir sigrar hjá Chelsea og Arsenal - tap í fyrsta leik hjá Shearer

Chelsea og Arsenal unnu bæði góða sigri í ensku úrvalsdeildinni í dag en sex leikir fóru fram klukkan 14.00. Chelsea vann 2-0 útisigur á Newcastle en þetta var fyrsti leikur heimamanna undir stjórn Alan Shearer.

Chelsea náði ekki að brjóta ísinn gegn lærisveinum Alan Shearer fyrr en á 56. mínútu. Þá gerði Argentínumaðurinn Fabricio Coloccini stór mistök sem endaði með því að Frank Lampard kom Chelsea í 1-0. Florent Malouda skoraði síðan annað mark Chelsea eftir undirbúning Lampard.

Emmanuel Adebayor átti frábæra endurkomu inn í liði Arsenal en hann skoraði bæði mörkin í 2-0 sigri á Manchester City. Fyrirliðinn Cesc Fabregas kom líka inn í Arsenal-liðið og sýndi snilli sína með því að leggja upp bæði mörkin fyrir Adebayor.



Lokatölur leikjanna og markaskorarar:

Arsenal-Man. City 2-0

Adebayor 2 (8. og 49.)

Bolton-Middlesbrough 3-1

Davies (8.), Cahill (44.), Taylor (78.), Gardner (84.) - O'Neil (38.)

Hull-Portsmouth 0-0

Newcastle-Chelsea 0-2

Lampard (56.), Malouda (65.)

West Brom-Stoke 0-2

- Fuller (2.), Beattie (49.)

West Ham-Sunderland 2-0

Stanislas (42.), Tomkins (53.)