Cesc Fabregas í byrjunarliði Arsenal í dag

Arsenal-menn eru búnir endurheimta þrjá menn úr meiðslum fyrir leikinn á móti Manchester City í ensku úrvalsdeildinni í dag. Þetta eru þeir Cesc Fabregas, Theo Walcott og Emmanuel Adebayor sem eru allir í byrjunarliði liðsins.

Cesc Fabregas tekur við fyrirliðabandinu og leikur sinn fyrsta leik fyrir Arsenal í þrjá mánuði. Theo Walcott er orðinn góður eftir hrakfarir síðustu vikna og þá spilaði Emmanuel Adebayor sinn fyrsta leik eftir meiðslin með landsliði Tógó í vikunni:

Byrjunarlið Arsenal gegn Man. City: Manuel Almunia, Bacary Sagna, Kolo Touré, William Gallas, Gaël Clichy, Cesc Fàbregas, Alexandre Song, Denilson, Theo Walcott, Emmanuel Adebayor, Andrey Arshavin.