Menning

Bein út­­sending: Heima­helgi­­stund í Linda­kirkju

Tinni Sveinsson skrifar
Sólsetur við Lindakirkju. Sóknarpresturinn sr. Guðmundur Karl Brynjarsson leiðir heimahelgistund frá kirkjunni í beinni útsendingu klukkan 17 í dag.
Sólsetur við Lindakirkju. Sóknarpresturinn sr. Guðmundur Karl Brynjarsson leiðir heimahelgistund frá kirkjunni í beinni útsendingu klukkan 17 í dag. Vísir/Vilhelm

Í dag klukkan 17 verður heimahelgistund streymt heim til landsmanna frá Lindakirkju.

Eins og svo margt annað fellur allt messuhald og fermingar í Þjóðkirkjunni niður í vor vegna samkomubannsins og faraldurs kórónuveiru.

Á meðan á þessu stendur ætlar kirkjan að koma til heimila þess fólks sem getur ekki heimsótt hana og er hægt að fylgjast með í beinni útsendingu hér á Vísi.

„Meðan samkomubann ríkir viljum við færa þjóðkirkjuna og hennar starf heim í stofu. Fólk getur átt þá hugleiðslu, bæn og kyrrð sem það annars myndi eiga í kirkjunni, heima hjá sér. Kirkjan hefur miklar skyldur gagnvart þjóðinni og þetta er ein leiðin til þess að uppfylla þær. Þrjár kirkjur ríða á vaðið, Laugarneskirkja, þá Lindakirkja og svo Vídalínskirkja, framhaldið spilum við svo eftir eyranu eftir því hvernig málin þróast,“ segir Pétur G. Markan, samskiptastjóri Biskupsstofu. Formið á helgistundunum svipar til messu, með hugvekju, bæn og tónlist, en er þó knappara, eða 25 til 30 mínútur.

Klippa: Heimahelgistund í Lindakirkju

Sóknarpresturinn sr. Guðmundur Karl Brynjarsson sér um stundina í dag og flytur hugvekju.

Kórsystkinin úr Kór Lindakirkju, Arnar Dór Hannesson, Guðrún Óla Jónsdóttir, og Áslaug Helga Hálfdánardóttir syngja ásamt Óskari Einarssyni, tónlistarstjóra sem spilar á píanó og Páll Elvar Pálsson plokkar bassann.

Næsta sunnudag verður heimahelgistund streymt frá Vídalinskirkju í Garðabæ. Einnig verður hægt að horfa á hana hér á Vísi.


Tengdar fréttir

Heima-helgistundir í beinni á Vísi næstu sunnudaga

Heima-helgistundum á vegum þjóðkirkjunnar verður streymt hér á Vísi næstu fjóra sunnudaga. Fyrsta útsendingin verður frá Laugarneskirkju klukkan 17 á morgun, sunnudaginn 22. mars.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.