Menning

Bein útsending: Skattsvik Development Group

Tinni Sveinsson skrifar
Hægt er að horfa á sýninguna Skattsvik Development Group hér á vefnum í kvöld. 
Hægt er að horfa á sýninguna Skattsvik Development Group hér á vefnum í kvöld.  Borgarleikhúsið

Sýningunni Skattsvik Development Group er streymt beint hér á Vísi klukkan 20 í kvöld. Þetta er fyrsta beina streymið frá Borgarleikhúsinu á meðan á samkomubanninu stendur en leikhúsið ætlar að bjóða Íslendingum upp á þétta dagskrá næstu vikur.

Í hádeginu á morgun mun Ólafur Egill Egilsson leikstjóri fjalla um sýningu sína, Bubbasöngleikinn Níu líf, ásamt því að fjalla um stjörnusýninguna Elly sem hann átti stóran hlut í. Í hádeginu á föstudaginn verða svo tónleikar með Bubba Morthens í beinni hér á Vísi og verður það vikulegur viðburður þar til samkomubanninu lýkur.

Uppfært. Sýningunni er lokið. Fylgist með á Vísi til að sjá fleiri atburði Borgarleikhússins.

Um sýninguna Skattsvik Development Group

Sjálfstæði sviðslistahópurinn Ást og karóki hefur undanfarnar vikur starfað innan veggja Borgarleikhússins undir því yfirskyni að meðlimir hópsins séu að skapa nýja íslenska sýningu um skaðlega karlmennsku. 

Umfangsmikill gagnaleki sýnir að hópurinn hefur þess í stað grætt umtalsverðar fjárhæðir á því að svíkja undan skatti. Milljónir króna sem Borgarleikhúsið greiðir fyrir sýninguna enda í leynilegri bankabók í Sankti Lúsíu í krafti tvísköttunarsamninga, aflandsfélaga, meintrar ráðgjafaþjónustu í Panama og fyrirtækisins Skattsvik Development Group í Dublin.

Sýningin Skattsvik Development er hluti af verkefni Borgarleikhússins sem kallast Umbúðalaust.Borgarleikhúsið
Skattsvik Development Group var sýnd fjórum sinnum um helgina fyrir fullu húsi. Borgarleikhúsið
Leikhópurinn Ást og karókí stendur á bak við sýninguna.Borgarleikhúsið
Plakat sýningarinnar.Borgarleikhúsið

Meðlimir Ást og karókí: Adolf Smári Unnarsson hluthafi, Birnir Jón Sigurðsson, formaður stjórnar og hluthafi, Friðrik Margrétar- Guðmundsson hluthafi, Matthías Tryggvi Haraldsson hluthafi og Stefán Ingvar Vigfússon hluthafi.

Höfundur: Skattsvik Development Group Limited, 57 Amiens Street, Dublin 1, IRELAND.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.