Erlent

Sakar Trump-liða um að draga lappirnar

Samúel Karl Ólason skrifar
Joe Biden, verðandi forseti Bandaríkjanna.
Joe Biden, verðandi forseti Bandaríkjanna. AP/Andrew Harnik

Joe Biden, verðandi forseti Bandaríkjanna, segir að pólitískt ráðnir starfsmenn Donalds Trump, fráfarandi forseta, og Trump sjálfur séu að draga lappirnar varðandi stjórnarskiptin. Vísaði hann sérstaklega til starfsmanna stofnanna í varnarmálaráðuneytinu og Office of Management and Budget eða OMB.

Biden segir að starfsmenn framboðs síns séu ekki að fá þær upplýsingar sem þeir þurfi og eigi rétt á frá Trump-liðum. Sakaði hann Trump og starfsmenn hans um að ógna öryggi Bandaríkjanna. Án nákvæmra upplýsinga um staðsetningu hermanna og fjárlagavinnu í varnarmálaráðuneytinu sé erfitt að skipuleggja og að óvinir Bandaríkjanna gætu nýtt sér óreiðuna.

Stjórnarskiptin fara formlega fram þann 20. janúar næstkomandi.

Trump hefur þó alfarið neitað að viðurkenna ósigur í forsetakosningunum í nóvember og hefur reynt að snúa niðurstöðunum með ýmsum leiðum. Trump heldur því fram að umfangsmikið kosningasvindl hafi kostað hann sigur. Í aðdraganda kosninganna staðhæfði hann að svindl væri að eiga sér stað og gerði hann slíkt hið sama fyrir og eftir kosningarnar sem hann vann 2016.

Trump og bandamönnum hans hefur þó ekki tekist að færa sönnur fyrir því að kosningasvindl af þessari stærðargráðu hafi átt sér stað. Tugir dómsmála hafa verið höfðuð af Trump-liðum en þeim hefur langflestum verið vísað frá eða málaflutningi þeirra hafnað.

Biden og Kamala D. Harris, verðandi varaforseti, funduðu með ráðgjöfum sínum varðandi þjóðaröryggi og utanríkismál í gær. Þar á meðal voru nokkrir sem Biden ætlar að tilnefna í ráðherrastöður.

Eftir fundinn sagði Biden að samkvæmt ráðgjöfum sínum sem hafi verið að skoða ástand stofnana sem snúa að þjóðaröryggi Bandaríkjanna, sé ljóst að þær stofnanir hafi orðið fyrir gífurlegum skaða í forsetatíð Trumps.

Starfsfólki hafi fækkað verulega, geta minnkað og starfsandi sömuleiðis.

Christopher Miller, starfandi varnarmálaráðherra Bandaríkjanna, mótmælti ummælum Bidens í gærkvöldi og sagði hundruð embættismanna hafa fundað með starfsmönnum Bidens að undanförnu. Þeir væru að standa sig mun betur en fyrri ríkisstjórnir.

Eins og fram kemur í grein Washington Post stöðvaði Miller þó alla fundi þann 18. desember og sagðist hafa gert það í samráði við framboð Bidens en þar á bæ neituðu menn því. Engir fundir hafa átt sér stað í varnarmálaráðuneytinu síðan.


Tengdar fréttir

Gaf Demókrötum gullið tækifæri

Þingmenn á fulltrúadeild Bandaríkjaþings samþykktu í gærkvöldi frumvarp um að senda hverjum Bandaríkjamanni tvö þúsund dala ávísun, en ekki 600 dali eins og til stendur. Donald Trump, fráfarandi forseti, hefur krafist þess á undanförnum dögum. 

Græddi ekkert og reitti alla til reiði

Donald Trump, fráfarandi forseti Bandaríkjanna, undirritaði frumvarp um neyðaraðstoð handa Bandaríkjamönnum og fyrirtækjum vegna faraldurs nýju kórónuveirunnar í nótt. Hann hafði áður neitað að undirrita frumvarpið, sem snýr einnig að fjárveitingum til reksturs alríkisstofnanna, og krafðist þess að dregið yrði úr kostnaði.

Gömul blogg­færsla kom upp um „leyni­legt vitni“ sem reyndist vera stuðnings­maður Trump

Lögmaðurinn Sidney Powell vitnaði til vitnisburðar „leynilegs vitnis“ þegar hún fór þess á leit við Hæstarétt Bandaríkjanna að snúa við ósigri Donalds Trump í forsetakosningunum vestanhafs. Vitnið leynilega er sagt vera fyrrverandi verktaki hjá leyniþjónustunni sem búi yfir upplýsingum um erlent samsæri um að grafa undan lýðræði. Nú hefur aftur á móti komið í ljós að ónefnda vitnið reyndist vera hlaðvarpsstjórnandi og stuðningsmaður Trump sem áður hefur komist í kast við lögin fyrir að villa á sér heimildir.

Náðar stuðnings- og stríðsglæpamenn

Donald Trump, fráfarandi forseti Bandaríkjanna, náðaði fimmtán manns og felldi niður dóma fimm manns í gær. Þar á meðal eru þrír fyrrverandi þingmenn Repúblikanaflokksins, tveir menn sem voru dæmdir í tengslum við Rússarannsóknina svokölluðu og fjórir öryggisverktakar sem voru dæmir fyrir þátt þeirra í fjöldamorði á fjórtán óvopnuðum Írökum á Nisour torgi í Bagdad árið 2007.

Trump sagður reiður út í allt og alla

Donald Trump, forseti Bandaríkjanna, er sagður hafa umkringt sig sínum ötulustu stuðningsmönnum og veitast að öllum öðrum. Hann gangi hart fram gegn öllum þeim sem vilji ekki samþykkja samsæriskenningar Trump-liða um forsetakosningarnar í síðasta mánuði.

Segir Biden ætla að refsa Rússum fyrir tölvuárásina umfangsmiklu

Þegar Joe Biden verður forseti Bandaríkjanna í næsta mánuði, mun hann refsa yfirvöldum Rússlands vegna gífurlega umfangsmikillar tölvuárásar sem Rússar eru taldir bera ábyrgð á. Ron Klain, starfsmannastjóri Bidens, segir að þeim sem beri ábyrgð á árásinni verði refsað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.