Sport

Skotin halda á­fram að ganga á milli Haf­þórs og Eddi­e

Anton Ingi Leifsson skrifar
Hafþór verður meira og meira klár í bardagann með hverjum deginum sem líður.
Hafþór verður meira og meira klár í bardagann með hverjum deginum sem líður. /Youtube síðan HafthorBjornsson

Þegar minna en eitt ár er þangað til að Eddie Hall og Hafþór Júlíus Björnsson berjast í Las Vegas halda skotin að ganga þeirra á milli á samfélagsmiðlum.

Aflraunamennirnir ætla að berjast í Las Vegas í september árið 2021 en báðir eru þeir byrjaðir að æfa af fullum krafti, bæði í ræktinni sem og í boxhringnum.

Þann 16. janúar mun Fjallið berjast gegn Steven Ward. Ward er Englendingur sem er atvinnuboxari en hann hefur barist fjórtán sinnum á ferlinum. Hann mun fljúga heim til Íslands og berjast við Fjallið.

Í nýjasta myndbandinu má sjá Hafþór taka vel á því í boxhringnum en þar fá þeir 500 þúsund fylgjendur Hafþórs á YouTube að fylgjast með. Þar skýtur hann aðeins á Englendinginn Eddie.

Þar segir Hafþór að hann sé að berjast af alvöru en ekki eftirlíking af bardaga. Skotin hafa gengið á milli þeirra „félaga“ og ljóst að þau munu halda áfram þangað til þeir mætast í Las Vegas.

Aflraunir Box

Mest lesið


Fleiri fréttir

Sjá meira


×

Mest lesið