Fótbolti

Kennir leikskipulaginu um niðurlægjandi tap

Arnar Geir Halldórsson skrifar
Trúðu vart sínum eigin augum.
Trúðu vart sínum eigin augum. vísir/Getty

Óvænt úrslit urðu í þýsku úrvalsdeildinni í fótbolta í gær þegar stórlið Borussia Dortmund steinlág fyrir gamla stórveldinu Stuttgart, sem eru nú nýliðar í Bundesligunni.

Staðan í leikhléi var 1-1 en í síðari hálfleik léku gestirnir sér að Dortmund og unnu leikinn 1-5.

Framtíð Lucien Favre, stjóra Dortmund, er sögð í óvissu og ummæli Mats Hummels, eins reynslumesta leikmanns Dortmund, í leikslok eru ekki til að styrkja starfsöryggi Favre.

„Við reynum alltaf að spila boltanum stutt og í lítil svæði og erum þess vegna með hátt hlutfall tapaðra bolta,“ sagði Hummels í leikslok og sparaði ekki hreinskilnina.

„Ef þetta virkar lítur þetta út eins og flottur fótbolti en það gerist sjaldan. Þetta krefst of mikilla hæfileika.“

„Það klikkaði margt í dag. Við vorum ekki góðir í fyrri hálfleik en gátum verið fegnir að fara í leikhléið með 1-1 stöðu.“

„Við gefum þeim boltann þegar þeir komast í 2-1, við gefum þeim boltann þegar þeir komast í 3-1 og aftur í 4-1. Við héldum bara áfram að gefa þeim boltann,“ sagði Hummels.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.