Heldur á­fram að setja upp skrýtin jóla­tré

Skrýtnustu og skemmtilegustu jólatré landsins voru skoðuð í Íslandi í dag á Stöð 2 í gærkvöldi.

Vala Matt fór í leiðangur og skoðaði nýjustu útgáfuna af ævintýralegu jólatré hjá ljósmyndaranum og blómaskreytingasérfræðingnum Heidu Björnsdóttur en hún hefur áður gert jólatré úr fatagínum, gömlum stiga, krönsum og nú gínu með skikkju.

Svo fór Vala og hitti veitingakonuna Marentzu Paulsen sem skreytir jólatréð sitt með lifandi rósum og skiptir svo út skreytingum á jólatrénu á gamlársdag til að taka á móti nýju ári með nýjum skreytingum. En að þessu sinni eru það hvítar lifandi rósir og brúðarslör og Marentza útskýrir af hverju það er.

Hér að neðan má sjá innslagið í heild sinni.