Tíska og hönnun

„Við hlæjum svolítið oft að þessu tímabili“

Sylvía Rut Sigfúsdóttir skrifar
Klara Elias söngkona gefur út sína fyrstu sólóplötu í byrjun næsta árs. Eins og staðan er núna langar hana ekki að flytja aftur til Los Angeles. 
Klara Elias söngkona gefur út sína fyrstu sólóplötu í byrjun næsta árs. Eins og staðan er núna langar hana ekki að flytja aftur til Los Angeles.  HI beauty

Söngkonan Klara Elias var gestur í Snyrtiborðið með HI beauty. Klara er nýlega flutt aftur til Íslands eftir að búa í 11 ár í Los Angeles. Hún byrjaði snemma að syngja og hefur starfað við tónlist frá 18 ára aldri, þegar hljómsveitin NYLON var stofnuð.

 „Maður áttaði sig ekki á því þá hvað þetta var mikið og oft yfirþyrmandi, en að sjálfsögðu stórkostlegt líka að fá að byrja ferilinn sinn svona og svona snemma.“

Á þessum tíma var Klara nemandi í Verzlunarskóla Íslands og náði hún að ljúka stúdentsprófinu samhliða þessu ævintýri. Hún rifjaði upp eftirminnilegt atvik, þegar hún svaf yfir sig eftir erfiða lærdómsnótt þegar hún átti að mæta í viðtal í Ísland í bítið sem þá var einnig sýnt í sjónvarpi.

„Ég hleyp inn í útsendingu og tek við gullplötu sem var verið að afhenda okkur í beinni útsendingu. Ég tek við gullplötunni og held á henni, fatta þá að ég er að verða of sein í próf. Ég fæ handklæði frá einhverjum sem vefur hana inn og Jónsi í Svörtum fötum skutlaði mér í skólann í stærðfræðipróf.“

Klara ræddi allt á milli himins og jarðar við þær Heiði Ósk og Ingunni Sig í þættinum Snyrtiborðið með HI beauty. Hún ræddi um Nylon árin, förðun, sínar uppáhalds snyrtivörur og sýndi svo hvað er í snyrtitöskunni sinni. Hægt er að horfa á þáttinn í heild sinni í spilaranum hér fyrir neðan.

Klippa: Snyrtiborðið - Klara Elias

Hlæja að Charlies tímabilinu 

Þegar kemur að snyrtivörum þá skipta innihaldsefnin Klöru miklu máli. Förðunarstíllinn hefur þróast mikið í gegnum árin. Á NYLON árunum treysti hún á þann listamann sem hún sat í stólnum hjá. 

NYLON stelpubandið. Frá vinstri Emelía, Klara, Alma og Steinunn.Aðsend mynd

Þegar þær Klara, Alma og Steinunn urðu að hljómsveitinni Charlies þá breyttist förðunin töluvert.

„Við hlæjum svolítið oft að þessu tímabili, þá máluðum við okkur miklu, miklu meira. Við vorum djarfari í fatavali og rosalega mikið með gerviaugnhár.“

Charlies hljómsveitinn. Frá vinstri Alma, Klara og Steinunn.Aðsend mynd

Klara segir að hún hafi lært á reynslunni að „less is more“ eins og sjá má á kynningarefninu fyrir sólóefnið sem hún hefur verið að gefa út síðustu vikur. Það er eitt sem er alltaf í snyrtitöskunni hjá Klöru og það er ákveðið glært varagloss.

„Ég er búin að vera húkkt á þessu í þrjú ár.“

Heiður Ósk og Ingunn Sig eigendur Reykjavík Makeup School eru þáttastjórnendur Snyrtiborðsins með HI Beauty. Þær eru farðaðar með vörum frá YSL beauty, Urban Decay og Lancome. Þættirnir eru teknir upp í Reykjavík Makeup School og verða sýndir vikulega hér á Vísi. 

Instagram: @the_hibeauty


Tengdar fréttir

„Erfiðustu sambandsslit sem ég hef farið í gegnum“

Klara Elias eða Klara Ósk Elíasdóttir gaf á miðnætti út sína aðra smáskífu sem ber nafnið Champagne. Lagið Champagne samdi Klara með Ölmu Guðmundsdóttur og danska pródúsentinum David „Dehiro“ Morup sem sá einnig um að útsetja.

„Ég lita alltaf hárið á mér sjálf“

Svala Björgvins er fyrsti gestur Heiðar Óskar og Ingunnar Sig í þáttunum Snyrtiborðið með HI beauty og ræddi þar um allt á milli himins og jarðar tengt förðun, húðumhyrðu, hárinu og snyrtivörum og auðvitað tónlistinni líka.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.