Fótbolti

Jón Daði bjargaði stigi fyrir Millwall

Runólfur Trausti Þórhallsson skrifar
Jón Daði jafnaði metin með góðu skoti.
Jón Daði jafnaði metin með góðu skoti. Millwall

Jón Daði Böðvarsson kom inn af varamannabekk Millwall og tryggði liðinu stig gegn Queens Park Rangers með sínu fyrsta marki í ensku B-deildinni á leiktíðinni, lokatölur 1-1.

Jón Daði hefur að mestu komið inn af varamannabekk Millwall á leiktíðinni og engin breyting var þar á í kvöld. Eftir markalausan fyrri hálfleik kom Ilias Chair gestunum yfir á 53. mínútu og rúmum tíu mínútum síðar var Jón Daði sendur á vettvang er Millwall reyndi að jafna metin.

Það gekk upp en Jón Daði jafnaði metin á 70. mínútu með góðu skoti eftir sendingu Jed Wallace. Staðan orðin 1-1 og reyndust það lokatölur leiksins.

Millwall er nú í 14. sæti með 21 stig eftir 17 umferðir.

Championship-deildin er á Stöð 2 Sport en upplýsingar um útsendingar má finna hér. EFL Championship er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Fótbolti Enski boltinn

Mest lesið


Fleiri fréttir

Sjá meira


×

Mest lesið