Erlent

Einum Man­son-fylgj­enda enn neitað um reynslu­lausn

Atli Ísleifsson skrifar
Leslie Van Houten var nítján ára þegar hún átti þátt í að drepa Rosemary og Leno LaBianca í Los Angeles árið 1969.
Leslie Van Houten var nítján ára þegar hún átti þátt í að drepa Rosemary og Leno LaBianca í Los Angeles árið 1969. AP

Ríkisstjóri í Kaliforníu hefur hafnað tillögu nefndar um að veita Leslie Van Houten, einum fylgjenda Charles Manson, um reynslulausn.

Van Houten var dæmd til dauða fyrir að hafa drepið Rosemary og Leno LaBianca á heimili þeirra í Los Angeles í ágúst 1969. Hún var þá nítján ára og yngst í þeirri sveit sem stýrt var af Manson. Dómnum yfir Van Houten var breytt í lífstíðarfangelsi árið 1978.

Beiðni Van Houten um reynslulausn fékk samþykki nefndar sem fer með slík mál í júlí síðastliðinn, en ríkisstjórinn Gary Newsom segir samfélaginu þó enn stafa hætta af hinni 71 árs Van Houten.

„Sé litið til öfgafulls eðlis þess glæps sem hún átti þátt í að fremja, þá tel ég hana ekki hafa sýnt fram á nægileganskilning á því sem fékk hana til að taka þátt í illum vígum Manson-fjölskyldunnar,“ skrifar Newsom.

Þetta er í fjórða sinn sem ríkisstjóri snýr við tillögu nefndarinnar um að veita Van Houten reynslulausn. Lögmaður Van Houten segir að ákvörðun Newsom verði áfrýjað.

Charles Manson dó í fangelsi árið 2017, þá 83 ára að aldri.

Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið