Flestir leikmenn frá FH í hópnum fyrir leikina mikilvægu hjá U21 landsliðsinu Runólfur Trausti Þórhallsson skrifar 7. nóvember 2020 12:31 Hér má sjá Willum Þór Willumsson, Hörð Inga Gunnarsson og Róbert Orra Þorkelsson í baráttunni er Ísland lagði Svíþjóð 1-0 á Víkingsvelli í sumar. Vísir/Daniel Thor Á fimmtudaginn mætir íslenska karlalandsliðið skipað leikmönnum 21 árs og yngri Ítalíu á Víkingsvelli í leik sem gæti skipt sköpum um hvort landið fari á komandi Evrópumót sem fram fer sumarið 2021 í Ungverjalandi og Slóveníu. Ásamt því að mæta Ítalíu hér heima mætir íslenska liðið bæði Írlandi og Armeníu ytra. Eru þetta síðustu þrír leikir undankeppninnar og þarf liðið að öllum líkindum sigur í leikjunum þremur til að vinna riðilinn og næla sér þar með í sæti á EM. Af þeim 23 leikmönnum sem eru valdir í hópinn að þessu sinni þá eru þrír á mála hjá FH. Það eru þeir Hörður Ingi Gunnarsson, Þórir Jóhann Helgason og Jónatan Ingi Jónsson. Ekkert lið á jafn marga leikmenn. Í síðustu þremur landsliðshópum U21 árs landsliðsins hefur FH alltaf verið það félag sem á flesta leikmenn í hópnum. Stefán Teitur Þórðarson er ekki í hópnum þessu sinni þar sem hann greindist með kórónuveiruna nýverið. Hann leikur með Silkeborg í Danmörku.Vísir/Daniel Thor Mikill munur er á leikmannahópi Íslands fyrir leikina þrjá sem framundan eru og þeim hóp sem átti upprunalega að mæta Ítalíu heima og Lúxemborg ytra í októbermánuði. Eftir að upp kom kórónuveirusmit í leikmannahóp ítalska liðsins var leiknum frestað þangað til nú á fimmtudaginn kemur. Í þann hóp völdu Arnar Þór Viðarsson og Eiður Smári Guðjohnsen, þjálfari og aðstoðarþjálfari U21-liðs Íslands, 30 leikmenn alls. Þar áttu FH og Breiðablik flesta fulltrúa eða tvo talsins. „Hópurinn sem við erum að velja í þetta verkefni er augljóslega töluvert stærri en venjulega. Ástæðan fyrir þessu er einfaldlega sú að þeir leikmenn sem spila með liðum á Íslandi munu ekki ferðast með liðinu til Lúxemborgar í seinni leikinn vegna sóttvarnareglna á landamærum Íslands, því þeir þyrftu að fara í 5-6 daga sóttkví við heimkomuna með tilheyrandi áhrifum á mótahaldið innanlands,“ sagði Arnar Þór um valið. Í hópnum þar áður – þar sem liðiðvann magnaðan 1-0 sigur á Svíþjóð í september – voru alls fjórir FH-ingar. Þar á eftir komu Breiðablik og KR með tvo leikmenn hvort. Fór það hins vegar svo að Daníel Hafsteinsson [FH] og Finnur Tómas Pálmasson [KR] þurftu að draga sig úr hópnum. Í þeirra stað komu Valgeir Valgeirsson [HK] og nafni hans Lunddal Friðriksson [Valur] inn í staðinn. Valgeir Valgeirsson HK sömuleiðis kallaður inn.Finnur Tómas & Daníel Hafsteins draga sig út vegna meiðsla.— Gummi Ben (@GummiBen) August 31, 2020 Á föstudaginn var greindi FH frá því að Eiður Smári Guðjohnsen yrði aðalþjálfari liðsins næstu tvö árin eftir að hafa tekið við starfinu ásamt Loga Ólafssyni í júlí er Ólafur Kristjánsson lét af störfum. Davíð Þór Viðarsson, bróðir Arnars Þórs, mun vera Eiði Smára til halds og trausts í Hafnafirði. Eiður Smári hefur sinnt hlutverki aðstoðarþjálfara hjá U21 síðan í janúar árið 2019. Samningur hans rennur út í janúar næstkomandi. Arnar Þór er einnig yfirmaður knattspyrnusviðs hjá KSÍ og var spurður út í ráðningu Eiðs í sumar. Þá aðallega hvort um hagsmunaárekstra væri að ræða þar sem hann væri þjálfari leikmanna sem væru gjaldgengir í U21 landslið Íslands. „Ef að menn vilja búa þá til þá er örugglega hægt að gera það. En þeir sem vinna faglegt starf munu aldrei láta eitthvað svona koma í veg fyrir að vinna gott starf. Það er ljóst að U21-liðið verður valið eftir því hvaða leikmenn ég tel að séu bestu leikmennirnir fyrir það lið, og enginn annar, sama í hvaða liði þeir eru,“ var svar Arnars við þeirri spurningu. Arnar Þór Viðarsson lék á sínum tíma 35 leiki fyrir FH áður en hann hélt út í atvinnumennsku í Belgíu, Noregi og Hollandi. Einnig lék hann 52 leiki fyrir íslenska A-landsliðið ásamt fjölda fyrir yngri landslið Íslands.Vísir/Arnar Halldórsson Þá var málið til umræðu í Pepsi Max Stúkunni í sumar. Ásamt Gumma Ben voru þeir Atli Viðar Björnsson og Tómas Ingi Tómasson. Kom til umræðu að dæmi væru um að þjálfarar hafi ekki mátt sinna störfum í aðildarfélögunum væru þeir í starfi hjá KSÍ. „Mér finnst einfaldast KSÍ vegna að þeir setji eitthvað fram og segi: Svona er þetta. Svona verður þetta og punktur þar á eftir. Þá er búið að leysa þetta mál og þarf ekki að vera ræða um þetta á öllum samfélagsmiðlum,“ sagði Tómas Ingi og bætti svo við. „Ef Eiður er ekki í fullu starfi þarna, þá sé það í lagi og hann geti þá þjálfað FH, þá á bara að segja það. Punktur á eftir. Þá eru þeir lausir allra mála, til þess að gera þetta mjög einfalt. Ekki vera með neina skugga og ský yfir þessu. Bara hafa hreint borð. Mér finnst að KSÍ ætti að koma fram og svara þessu afdráttarlaust.“ Íslenska U21 árs landsliðið mætir Ítalíu í leik þar sem efsta sæti riðilsins er í boði. Leikurinn fer fram á Víkingsvelli á fimmtudaginn kemur klukkan 13.15 og er í beinni útsendingu Stövðar 2 Sport. Fótbolti Íslenski boltinn Pepsi Max-deild karla FH KSÍ Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn „Ég hefði bara átt að taka leikhlé“ Handbolti Segir sína menn ekki verðskulda Evrópusæti Enski boltinn Fyllir Slot upp í tómarúmið sem Klopp skilur eftir sig? Enski boltinn Ótrúlegur lækningamáttur í dalnum vekur furðu Íslenski boltinn Segir sitt hlutverk að fá leikmenn til að trúa á verkefnið Enski boltinn „Ég er bara mjög spenntur, þeir eru klárlega ‘the team to beat’“ Körfubolti „Maður hugsar ekki þannig sem þjálfari“ Körfubolti Fleiri fréttir Fjölnir fyrsta liðið í sextán liða úrslit Ekroth og þrír aðrir í banni í næstu umferð Bestu deildarinnar Glugginn að lokast – Íslandsmeistari í KFA og Málfríður heim Gary Martin til Ólafsvíkur Ótrúlegur lækningamáttur í dalnum vekur furðu „Mér fannst ódýrt af Arnari að bera þetta saman“ Barnshafandi eftir langt ferli sem tók á andlega „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Uppgjör og viðtöl: Tindastóll - FH 0-1 | Hafnfirðingar byrja á sigri Ólafur frá næstu vikurnar Helena skiptir um lið í fyrstu umferð „Maður vill ekki fara að vorkenna þeim“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra „Annað skiptið sem fullkomlega löglegt mark gegn Víkingum er dæmt af“ „Margt búið að ganga á bakvið tjöldin“ Jón Þór um Akranesvöllinn: „Hann verður frábær í sumar, eða eins frábær og hann verður“ „Leið eins og ég væri að svífa um völlinn“ Uppgjör, viðtöl og myndir: Víkingur R. - Breiðablik 4-1 | Meistararnir sýndu styrk sinn „Geðveikt fyrir félagið að fá fyrsta sigurinn núna og brjóta ísinn“ „Maður getur ekki tekið annað en jákvæðni og gleði út úr þessu“ Uppgjörið og viðtöl: Valur - Þór/KA 3-1 | Amanda með tvö og titilvörnin byrjar vel Uppgjörið: ÍA - Fylkir 5-1 | Risasigur gegn tíu Fylkismönnum Uppgjör og viðtöl: KA - Vestri 0-1 | Vestri með sigurmark í uppbótatíma Sjá meira
Á fimmtudaginn mætir íslenska karlalandsliðið skipað leikmönnum 21 árs og yngri Ítalíu á Víkingsvelli í leik sem gæti skipt sköpum um hvort landið fari á komandi Evrópumót sem fram fer sumarið 2021 í Ungverjalandi og Slóveníu. Ásamt því að mæta Ítalíu hér heima mætir íslenska liðið bæði Írlandi og Armeníu ytra. Eru þetta síðustu þrír leikir undankeppninnar og þarf liðið að öllum líkindum sigur í leikjunum þremur til að vinna riðilinn og næla sér þar með í sæti á EM. Af þeim 23 leikmönnum sem eru valdir í hópinn að þessu sinni þá eru þrír á mála hjá FH. Það eru þeir Hörður Ingi Gunnarsson, Þórir Jóhann Helgason og Jónatan Ingi Jónsson. Ekkert lið á jafn marga leikmenn. Í síðustu þremur landsliðshópum U21 árs landsliðsins hefur FH alltaf verið það félag sem á flesta leikmenn í hópnum. Stefán Teitur Þórðarson er ekki í hópnum þessu sinni þar sem hann greindist með kórónuveiruna nýverið. Hann leikur með Silkeborg í Danmörku.Vísir/Daniel Thor Mikill munur er á leikmannahópi Íslands fyrir leikina þrjá sem framundan eru og þeim hóp sem átti upprunalega að mæta Ítalíu heima og Lúxemborg ytra í októbermánuði. Eftir að upp kom kórónuveirusmit í leikmannahóp ítalska liðsins var leiknum frestað þangað til nú á fimmtudaginn kemur. Í þann hóp völdu Arnar Þór Viðarsson og Eiður Smári Guðjohnsen, þjálfari og aðstoðarþjálfari U21-liðs Íslands, 30 leikmenn alls. Þar áttu FH og Breiðablik flesta fulltrúa eða tvo talsins. „Hópurinn sem við erum að velja í þetta verkefni er augljóslega töluvert stærri en venjulega. Ástæðan fyrir þessu er einfaldlega sú að þeir leikmenn sem spila með liðum á Íslandi munu ekki ferðast með liðinu til Lúxemborgar í seinni leikinn vegna sóttvarnareglna á landamærum Íslands, því þeir þyrftu að fara í 5-6 daga sóttkví við heimkomuna með tilheyrandi áhrifum á mótahaldið innanlands,“ sagði Arnar Þór um valið. Í hópnum þar áður – þar sem liðiðvann magnaðan 1-0 sigur á Svíþjóð í september – voru alls fjórir FH-ingar. Þar á eftir komu Breiðablik og KR með tvo leikmenn hvort. Fór það hins vegar svo að Daníel Hafsteinsson [FH] og Finnur Tómas Pálmasson [KR] þurftu að draga sig úr hópnum. Í þeirra stað komu Valgeir Valgeirsson [HK] og nafni hans Lunddal Friðriksson [Valur] inn í staðinn. Valgeir Valgeirsson HK sömuleiðis kallaður inn.Finnur Tómas & Daníel Hafsteins draga sig út vegna meiðsla.— Gummi Ben (@GummiBen) August 31, 2020 Á föstudaginn var greindi FH frá því að Eiður Smári Guðjohnsen yrði aðalþjálfari liðsins næstu tvö árin eftir að hafa tekið við starfinu ásamt Loga Ólafssyni í júlí er Ólafur Kristjánsson lét af störfum. Davíð Þór Viðarsson, bróðir Arnars Þórs, mun vera Eiði Smára til halds og trausts í Hafnafirði. Eiður Smári hefur sinnt hlutverki aðstoðarþjálfara hjá U21 síðan í janúar árið 2019. Samningur hans rennur út í janúar næstkomandi. Arnar Þór er einnig yfirmaður knattspyrnusviðs hjá KSÍ og var spurður út í ráðningu Eiðs í sumar. Þá aðallega hvort um hagsmunaárekstra væri að ræða þar sem hann væri þjálfari leikmanna sem væru gjaldgengir í U21 landslið Íslands. „Ef að menn vilja búa þá til þá er örugglega hægt að gera það. En þeir sem vinna faglegt starf munu aldrei láta eitthvað svona koma í veg fyrir að vinna gott starf. Það er ljóst að U21-liðið verður valið eftir því hvaða leikmenn ég tel að séu bestu leikmennirnir fyrir það lið, og enginn annar, sama í hvaða liði þeir eru,“ var svar Arnars við þeirri spurningu. Arnar Þór Viðarsson lék á sínum tíma 35 leiki fyrir FH áður en hann hélt út í atvinnumennsku í Belgíu, Noregi og Hollandi. Einnig lék hann 52 leiki fyrir íslenska A-landsliðið ásamt fjölda fyrir yngri landslið Íslands.Vísir/Arnar Halldórsson Þá var málið til umræðu í Pepsi Max Stúkunni í sumar. Ásamt Gumma Ben voru þeir Atli Viðar Björnsson og Tómas Ingi Tómasson. Kom til umræðu að dæmi væru um að þjálfarar hafi ekki mátt sinna störfum í aðildarfélögunum væru þeir í starfi hjá KSÍ. „Mér finnst einfaldast KSÍ vegna að þeir setji eitthvað fram og segi: Svona er þetta. Svona verður þetta og punktur þar á eftir. Þá er búið að leysa þetta mál og þarf ekki að vera ræða um þetta á öllum samfélagsmiðlum,“ sagði Tómas Ingi og bætti svo við. „Ef Eiður er ekki í fullu starfi þarna, þá sé það í lagi og hann geti þá þjálfað FH, þá á bara að segja það. Punktur á eftir. Þá eru þeir lausir allra mála, til þess að gera þetta mjög einfalt. Ekki vera með neina skugga og ský yfir þessu. Bara hafa hreint borð. Mér finnst að KSÍ ætti að koma fram og svara þessu afdráttarlaust.“ Íslenska U21 árs landsliðið mætir Ítalíu í leik þar sem efsta sæti riðilsins er í boði. Leikurinn fer fram á Víkingsvelli á fimmtudaginn kemur klukkan 13.15 og er í beinni útsendingu Stövðar 2 Sport.
Fótbolti Íslenski boltinn Pepsi Max-deild karla FH KSÍ Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn „Ég hefði bara átt að taka leikhlé“ Handbolti Segir sína menn ekki verðskulda Evrópusæti Enski boltinn Fyllir Slot upp í tómarúmið sem Klopp skilur eftir sig? Enski boltinn Ótrúlegur lækningamáttur í dalnum vekur furðu Íslenski boltinn Segir sitt hlutverk að fá leikmenn til að trúa á verkefnið Enski boltinn „Ég er bara mjög spenntur, þeir eru klárlega ‘the team to beat’“ Körfubolti „Maður hugsar ekki þannig sem þjálfari“ Körfubolti Fleiri fréttir Fjölnir fyrsta liðið í sextán liða úrslit Ekroth og þrír aðrir í banni í næstu umferð Bestu deildarinnar Glugginn að lokast – Íslandsmeistari í KFA og Málfríður heim Gary Martin til Ólafsvíkur Ótrúlegur lækningamáttur í dalnum vekur furðu „Mér fannst ódýrt af Arnari að bera þetta saman“ Barnshafandi eftir langt ferli sem tók á andlega „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Uppgjör og viðtöl: Tindastóll - FH 0-1 | Hafnfirðingar byrja á sigri Ólafur frá næstu vikurnar Helena skiptir um lið í fyrstu umferð „Maður vill ekki fara að vorkenna þeim“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra „Annað skiptið sem fullkomlega löglegt mark gegn Víkingum er dæmt af“ „Margt búið að ganga á bakvið tjöldin“ Jón Þór um Akranesvöllinn: „Hann verður frábær í sumar, eða eins frábær og hann verður“ „Leið eins og ég væri að svífa um völlinn“ Uppgjör, viðtöl og myndir: Víkingur R. - Breiðablik 4-1 | Meistararnir sýndu styrk sinn „Geðveikt fyrir félagið að fá fyrsta sigurinn núna og brjóta ísinn“ „Maður getur ekki tekið annað en jákvæðni og gleði út úr þessu“ Uppgjörið og viðtöl: Valur - Þór/KA 3-1 | Amanda með tvö og titilvörnin byrjar vel Uppgjörið: ÍA - Fylkir 5-1 | Risasigur gegn tíu Fylkismönnum Uppgjör og viðtöl: KA - Vestri 0-1 | Vestri með sigurmark í uppbótatíma Sjá meira