Fótbolti

Aron Einar með fyrir­­liða­bandið í marka­lausu bikar­jafn­tefli

Anton Ingi Leifsson skrifar
Aron Einar í leik með Al Arabi fyrr á þessari leiktíð.
Aron Einar í leik með Al Arabi fyrr á þessari leiktíð. Simon Holmes/NurPhoto/Getty Images)

Aron Einar Gunnarsson var með fyrirliðabandið og í byrjunarliði Al Arabi er liðið gerði markalaust jafntefli við Al-Gharafa í katarska bikarnum í dag.

Bikarinn í Katar er leikinn í riðlum en eftir fjóra leiki í bikarnum eru Aron og félagar með átta stig; tvo sigra og tvo jafntefli. Þeir eiga enn eftir að tapa leik í bikarnum.

Fjögur efstu liðin, af þeim sex sem eru í riðlinum, fara svo í umspil en Al Arabi fór alla leið í bikarúrslitin á síðustu leiktíð. Aron Einar spilaði í 75 mínútur í dag.

Heimir Hallgrímsson þjálfar lið Al Arabi og er með Freyr Alexandersson sér til aðstoðar en næsta verkefni Arons og Freys er Ungverjaleikurinn mikilvægi með landsliðinu.

Hann fer fram á fimmtudaginn í næstu viku.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.