Birkir Valur spilaði hálfleik í sigri

Íslenski knattspyrnumaðurinn Birkir Valur Jónsson var í byrjunarliði Spartak Trnava þegar liðið fékk Trencin í heimsókn í slóvakísku úrvalsdeildinni í fótbolta í kvöld.

Birkir Valur fékk að líta gula spjaldið á 22.mínútu og var svo skipt af velli í leikhléi en þá var enn markalaust í leiknum.

Tvö mörk á síðasta stundarfjórðungi leiksins tryggðu Trnava sigurinn. Lokatölur 2-0.

Birkir Valur og félagar í fjórða sæti deildarinnar með 16 stig en tólf lið leika í úrvalsdeildinni í Slóvakíu.