Crystal Palace heimsótti Fulham í Lundúnarslag í öðrum leik dagsins í ensku úrvalsdeildinni í fótbolta. Nýliðar Fulham ekki verið öflugir í upphafi móts og höfðu aðeins nælt í eitt stig þegar kom að leiknum í dag.
Það blés ekki byrlega fyrir nýliðunum því Jairo Riedewald kom Palace yfir strax á 8.mínútu eftir undirbúning Wilfried Zaha. Reyndist það eina mark fyrri hálfleiks.
Eftir klukkutíma leik var það svo Zaha sjálfur sem skoraði eftir undirbúning Michy Batshuayi.
Varamaðurinn Aboubakar Kamara fékk að líta rauða spjaldið á 88.mínútu en einum færri tókst Fulham að klóra í bakkann því Tom Cairney skoraði í uppbótartíma. Lokatölur 1-2.
