Spáir því að starfsmenn greiði atkvæði með verkfallsaðgerðum

Berghildur Erla Bernharðsdóttir skrifar 7. október 2020 11:42

Reinhold Richter trúnaðarmaður starfsfólks í Álverinu í Straumsvík. Vísir

Trúnaðarmaður hjá Álverinu í Straumsvík telur að meirihluti starfsfólks greiði atkvæði með verkfallsaðgerðum. Atkvæðagreiðslunni lýkur í dag.

Ríflega 300 starfsmenn Álversins í Straumsvík í fimm stéttarfélögum greiða atkvæði um hvort að farið verði í verkfallsaðgerðir frá og með 16. október. Verði það ákveðið fara ákveðnar starfstéttir í Álverinu í dagleg verkföll út nóvember. Ef ekki verður samið fyrir þann tíma hefst allsherjarverkfall.

Reinhold Richter er trúnaðarmaður starfsfólks.

„Við erum með lausan kjarasamningsamning og höfum fengið fyrstu hækkunina úr lífskjarasamningshækkunum eða um 17.000 og eigum eftir að sækja 73.000 inná taxtaumhverfið okkar úr líkfskjarasamningnum en það hefur ekki gengið að fá þá hækkun,“ segir Reinhold.

Atkvæðagreiðslunni lýkur um hádegi og um klukkan 2 kemur niðurstaðan í ljós. Reinhold segir að margt í umhverfinu hafi verið jákvætt fyrir rekstur álversins.

„Dollarinn hagstæður og álver er að fara upp. En þeir hafa sett okkur í þessa erfiða stöðu að tefla okkur fram sem peði í baráttu við ríkið og Landsvirkjun í sambandi við orkukaup,“ segir Reinhold.

Hann segir þungt hljóð í starfsfólki.

„Eins og þetta hefur verið þá held ég afgerandi vilji starfsmanna að fá kjarasamning og þeir vilji beita öllum þeim aðferðum sem hægt er til að fá það fram þannig að ég spái því að meirihlutinn greiði atkvæði með verkfallsaðgerðum,“ segir Reinhold Richter.

Stóriðja Landsvirkjun Ríkisstjórn Katrínar Jakobsdóttur Vinnumarkaður Kjaramál Hafnarfjörður

Tengdar fréttir

Telja sig peð í tafli Rio Tinto og Landsvirkjunar

Starfsmenn álversins í Straumsvík telja Rio Tinto tefla sér fram í deilu álfyrirtækisins fyrir betri raforkusamningi við Landsvirkjun. Kjaradeilan er komin til ríkissáttasemjara.

23. ágúst 2020 19:50

Álverið mikilvægt en orkan fari ekki á útsölu

Á sama tíma og bjóða á upp á samkeppnishæft umhverfi á að gera kröfu um að sala á orkuafurðum úr sameiginlegum auðlindum þjóðarinnar sé arðbær. Þetta segir Þórdís Kolbrún Reykfjörð Gylfadóttir, atvinnuvega- og nýsköpunarráðherra.

25. júlí 2020 13:19

Ráðherra vill að stóriðjan birti samninga við Landsvirkjun

Iðnaðarráðherra segir mikilvægt að allir raforkusamningar stóriðju á Íslandi verði opinberaðir. Eftir mikinn taprekstur álversins í Straumsvík undanfarin ár sakar fyrirtækið Landsvirkjun um að mismuna stóriðjufyrirtækjum landsins. Það hótar að hætta starfsemi sinni lækki Landsvirkjun ekki verð á orku.

23. júlí 2020 19:30

Rio Tinto birtir samninginn geri önnur íslensk álver það líka

Forsvarsmenn Rio Tinto sem reka álverið í Straumsvík segja viðeigandi að trúnaði verði aflétt af öðrum samningum Landsvirkjunar við álver á landinu ef fyrirtækið eigi að birta sinn samning opinberlega.

23. júlí 2020 13:17

Rio Tinto biður starfsmenn um frið meðan verið sé að klára samning við Landsvirkjun

Starfsmenn álversins í Straumsvík hafa verið beðnir um mánaðar friðarskyldu þar sem nýr raforkusamningur sé í burðarliðnum milli Rio Tinto og Landsvirkjunar.

1. júlí 2020 23:35

Starfsmenn horfa áhyggjufullir til 1. júlí

Starfsmenn Rio Tinto í álverinu í Straumsvík eru uggandi yfir óvissunni sem einkennir framtíð rekstursins.

18. júní 2020 12:33

Rannveig Rist fer í leyfi

Rannveig Rist, forstjóri Rio Tinto Alcan á Íslandi, er á leiðinni í að minnsta kosti sex mánaða veikindaleyfi. Þetta tilkynnti Rannveig á fundi með starfsmönnum í álverinu á fjórða tímanum í dag.

21. febrúar 2020 16:05

Minnka framleiðslu í Straumsvík um 15 prósent

Framleiðslan mun þannig nema 184 þúsund tonnum á þessu ári miðað við 212 þúsund tonn árið 2018.

25. janúar 2020 07:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.