Íslenski boltinn

Óheppinn Haukur Páll aldrei óheppnari en gegn Blikum

Sindri Sverrisson skrifar
Haukur Páll Sigurðsson hefur ósjaldan farið meiddur af velli í fótboltaleik.
Haukur Páll Sigurðsson hefur ósjaldan farið meiddur af velli í fótboltaleik. VÍSIR/HAG

„Ætti Haukur Páll að sleppa þessum leikjum gegn Blikum?“ spurði Guðmundur Benediktsson, léttur í bragði, þegar farið var yfir athyglisverða staðreynd um Hauk Pál Sigurðsson í Pepsi Max stúkunni í gær.

Haukur Páll hefur ítrekað farið meiddur af velli í leikjum gegn Breiðabliki, eða í það minnsta ekki náð að klára 90 mínútur, og honum var skipt af velli á 72. mínútu í 1-1 jafnteflinu við Blika á sunnudagskvöld.

„Haukur Páll er reyndar almennt frekar óheppinn leikmaður. Hann hefur lent í því oftar en flestir að þurfa að yfirgefa völlinn vegna meiðsla. Mjög oft eru það höfuðhögg. En hann er aldrei eins óheppinn og gegn Breiðabliki,“ sagði Sigurvin Ólafsson, sérfræðingur í Pepsi Max stúkunni. Hér að neðan má sjá mínúturnar sem Haukur hefur spilað í leikjunum tveimur við Breiðablik hvert sumar síðustu ár.

„Fjórum sinnum fer hann út af í fyrri hálfleik, og tvisvar í hálfleik, og alls átta sinnum út af. Í gær [fyrrakvöld] fór hann meiddur út af,“ benti Sigurvin á en innslagið má sjá hér að neðan.

Klippa: Stúkan - Haukur Páll gegn Blikum

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.