Íslenski boltinn

Smit í Hæfileikamótun drengja hjá KSÍ

Óskar Ófeigur Jónsson skrifar
Knattspyrnusamband Íslands þurfti að grípa til ráðstafana eftir að Covid-19 smitaður drengur tók þátt í Hæfileikamótun drengja hjá KSÍ.
Knattspyrnusamband Íslands þurfti að grípa til ráðstafana eftir að Covid-19 smitaður drengur tók þátt í Hæfileikamótun drengja hjá KSÍ. Getty/ Lorenzo Di Cola

Allir þeir sem tóku þátt í og komu að Hæfileikamótun drengja hjá Knattspyrnusambandi Íslands eru komnir í sóttkví eftir að einn þátttakandi greindist smitaður af kórónuveirunni.

Knattspyrnusamband Íslands segir frá því á heimasíðu sinni í dag að einn þátttakandi í Hæfileikamótun drengja, sem fram fór í Egilshöll í Reykjavík 19. og 20. september, hafi greinst smitaður af Covid-19.

Af þeim sökum þurfa aðrir þátttakendur (leikmenn og aðrir) að fara í sóttkví samkvæmt ákvörðun smitrakningateymisins.

Allir hlutaðeigandi hafa verið upplýstir um stöðuna og viðeigandi ráðstafanir hafa verið gerðar.

66 strákar fæddir árið 2006 voru boðaðir í Hæfileikamótun drengja hjá KSÍ að þessu sinni. Þeir komu úr 25 félögum víðs vegar að af landinu auk þess sem einn þeirra er hjá dönsku félagi.

Ákveðið hefur verið að fresta Hæfileikamótun stúlkna sem fara átti fram um komandi helgi þar sem umsjónarmenn Hæfileikamótunar KSÍ eru á meðal þeirra sem eru í sóttkví.

KSÍ gerði ráðstafanir vegna umræddrar Hæfileikamótunnar drengja. KSÍ ákvað þannig að takmarka aðgengi áhorfenda en hver drengur gat bara boðið einum aðstandanda að fylgjast með mótinu.

KSÍ hvatti líka alla (leikmenn, þjálfara og aðstandendur) sem sóttu hæfileikamótið að gæta sérstaklega að öllum almennum sóttvörnum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.