Frank De Boer er nýr þjálfari hollenska landsliðsins í knattspyrnu og tekur hann við af Ronald Koeman.
Koeman tók við Barcelona í sumar en Koeman spilaði einnig með Börsungum á sínum tíma. Því þurfti hollenska sambandið að finna nýjan stjóra.
Þeir ákváðu að ráða De Boer sem hefur verið allt annað en sigursæll á sínum þjálfaraferli, sérstaklega fyrir utan Hollands.
Hann stýrði Ajax á árunum 2010 til 2016 með ágætis árangri en síðan tóku við erfiðir tímar hjá Inter Milan, Crystal Palcae og Atlanta United.
Nú er hann hins vegar mættur og tekinn við hollenska landsliðinu en hann lék sjálfur 112 landsleiki.
Frank de Boer is de nieuwe bondscoach van het Nederlands elftal! #WelkomFrank https://t.co/2pGZJ1TICl
— OnsOranje (@OnsOranje) September 23, 2020
