Íslenski boltinn

Ekkert fær stöðvað Tinda­stól, Sel­foss fékk skell og Kórdrengir skoruðu sex

Anton Ingi Leifsson skrifar
Hermann Hreiðarsson er hann tók við.
Hermann Hreiðarsson er hann tók við. mynd/þróttur v

Tindastóll er í ansi vænlegri stöðu í Lengjudeild kvenna er fjórar umferðir eru eftir af deildinni eftir 2-0 sigur á ÍA í dag.

Þetta var sjöundi sigur Stólanna í röð en Lára Mist Baldursdóttir og Jacqueline Altschuld skoruðu mörk Tindastóls.

Tindastóll er með 37 stig á toppi deildarinnar, Keflavík er í öðru sætinu með 33 stig en Haukar eru í 3. sætinu með 26 en á þó leik til góða.

ÍA er í 8. sætinu með tólf stig.

Kórdrengir gerðu góða ferð norður og rúlluðu yfir Völsung á Húsavík, 6-0. Staðan var 3-0 í hálfleik en Kórdrengir eru með 40 stig á toppnum og eiga leik til góða.

Á Selfossi voru Þróttur úr Vogum í heimsókn og Vogamenn byrjuðu af krafti og komust í 4-0 í fyrri hálfleik. Selfyssingar klóruðu í bakkann en lokatölur 4-1.

Liðin eru nú jöfn í 2. og 3. sætinu með 37 stig.

Fjarðabyggð vann svo 3-1 sigur á Dalvík/Reyni. Fjarðabyggð er í 7. sætinu með 24 stig en Dalvík/Reynir í fallsæti, því ellefta, þremur stigum frá öruggu sæti.

Markaskorarar eru fengnir frá úrslit.net.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.