Sársvekktir netdrengir og fordómaskarfar létu sig hverfa Jakob Bjarnar skrifar 3. september 2020 11:35 Þegar Pálína birti þessa mynd af sér og kærustu sinni reyndist það talsverður skellur fyrir ýmsa fylgjendur hennar. Pálína Axelsdóttir Njarðvík Pálína Axelsdóttir Njarðvík, bóndi og sálfræðingur, birti á mánudaginn mynd af sér ásamt kærustu sinni, Maríu Kristínu Árnadóttur, á feykivinsælli Instagram-síðu sinni. Þar hefur hún einkum fjallað um sauðfé og hina íslensku sveit. Við þessa myndbirtingu fuku af lista fylgjenda fjöldi fólks. Fylgjendum sumum brá í brún Þær Pálína og María áttu sambandsafmæli, hafa verið í föstu sambandi í tvö ár og Pálína fagnaði því meðal annars með því að birta mynd af þeim saman. Við það eitt létu hundrað manns sig hverfa af lista yfir þá sem fylgjast með síðunni. „Já, þetta kom mér á óvart,“ segir Pálína í samtali við Vísi. Nokkur flökt er á fylgi á Instagram en í hennar tilfelli er það yfirleitt þannig að fleiri koma á lista en fara af honum. Myndin örlagaríka í öllu sínu veldi. Pálína grætur það ekki þó einhverjir sem setja það fyrir sig að eigandi kinda, sem eru í aðalhlutverki á Instagram-síðu hennar, sé samkynhneigð láti sig hverfa.Pálína Axelsdóttir Njarðvík „En þarna á mánudagskvöldið var mikið stökk. „Unfollow-línan“ rauk upp þarna um sjö leytið,“ segir Pálína en nákvæmar skrár eru fyrirliggjandi um hversu margir skoða síður á Instagram og eru áskrifendur eða fylgjendur mismunandi reikninga. Á annað hundrað manns virðast samkvæmt því skyndilega hafa ákveðið að hætta sem fylgjendur. Pálína segir enga skýringu aðra en þessa tilteknu myndbirtingu. Og hún telur að þar ráði fordómar gegn samkynhneigðum för. „Þetta er örugglega af því að ég er með fylgjendur frá ýmsum heimshornum og hlutirnir eru komnir sorglega stutt víða. Viðhorfin eru í allar áttir.“ Skellur að eigandi kindanna sé ekki gagnkynhneigður Pálína, sem er með mastergráðu í félagssálfræði, segir þessi sterku viðbrögð áhugaverð sem slík. Talsverðra hræinga varð vart í netmælingum í kjölfar þess að Pálína birti myndina. „Að fólk hafi svona sterk neikvæð viðhorf gagnvart mismunandi kynhneigð, svo mjög að þú getir ekki fylgst með kindum á Íslandi af því að eigandi kindanna er samkynhneigð!?“ Vísir hefur áður fjallað um magnað og gott gengi Pálínu á samfélagsmiðlum og hinn mikla áhuga sem sýnir sig á íslensku sveitalífi. Um 42 þúsund manns frá öllum heimshornum fylgjast reglubundið með daglegu lífi á sveitabænum Eystra-Geldingaholti í Skeiða- og Gnúpverjahreppi í gegnum Instagram-síðuna Farm Life Iceland, þar sem umfjöllunarefnið er að mestu bú Pálínu og fjölskyldu hennar; meðalstórt sauðfjárbú, 300 kindur á fóðrum yfir vetur og um 20 kýr. Engar áhyggjur þó fordómafullir hætti að fylgjast með kindunum Pálína veltir þessum nýjustu vendingum fyrir sér, þó ekki þannig að það fái sérstaklega á hana. Henni finnst þetta öðrum þræði skondið. „Ég sé mjög mikið eftir þessu fordómafulla fólki og mun sakna þeirra mikið,“ segir hún og hlær. Eða ekki. Henni hafa borist fjölmörg skilaboð eftir að hún greindi frá þessu brotthlaupi fylgjenda, um fimm hundruð skilaboð þar sem fólk segir að gott sé að þetta fordómafulla fólk hafi látið sig hverfa. Pálína og María í réttum. Þessi mynd hefur áður birst á Instagramreikningi Pálínu en hún gerir því skóna að einhverjir hafi talið að þarna væru systur á ferð.Pálína Axelsdóttir Njarðvík „Fólk er yndislegt. Mér gæti ekki staðið meira á sama þó eitthvað fordómafullt lið sé ekki að horfa á kindurnar mínar. Vil frekar hafa einn sem kann að meta mig en hundrað fordómafulla,“ segir Pálína. Draumurinn um ástir í íslenskri sveit dó Hún vill ekki alhæfa um þá sem létu sig hverfa, ekki er endilega víst að þar sé einungis um fordómafulla að ræða heldur gæti einnig verið um að ræða bælda en vongóða netdrengi sem hafa ef til vill látið sig dreyma um villtar ástir í íslenskri sveit. Pálína segir að þeir sem hafa látið í sér heyra hafi einmitt nefnt þann möguleika. „Ég veit það ekki. Ég hef alveg sýnt Maríu áður, hef ekkert verið að fela það. Þannig að þetta hefði ekki átt að koma svona flatt upp á mannskapinn. En þetta hafa greinilega verið nýjar fréttir fyrir einhverja.“ Pálína telur ekki úr vegi að ætla einhverja hafa metið það sem svo, við að sjá saman tvær síðhærðar ungar konur í sveitinni að þar hafi verið um að ræða systur. „Já, kannski einn eða tveir. Skellur,“ segir Pálína. Samfélagsmiðlar Hinsegin Skeiða- og Gnúpverjahreppur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Handtekinn í tengslum við áform um að ráða Selenskí af dögum Erlent Kennedy-fjölskyldan lýsir yfir stuðningi við Biden Erlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Katrín á toppnum um allt land Innlent Bandaríkin stöðvuðu fulla aðild Palestínumanna að SÞ Erlent Hrunið í gömlu kauphöllinni heldur áfram Erlent Fleiri fréttir Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Sjá meira
Pálína Axelsdóttir Njarðvík, bóndi og sálfræðingur, birti á mánudaginn mynd af sér ásamt kærustu sinni, Maríu Kristínu Árnadóttur, á feykivinsælli Instagram-síðu sinni. Þar hefur hún einkum fjallað um sauðfé og hina íslensku sveit. Við þessa myndbirtingu fuku af lista fylgjenda fjöldi fólks. Fylgjendum sumum brá í brún Þær Pálína og María áttu sambandsafmæli, hafa verið í föstu sambandi í tvö ár og Pálína fagnaði því meðal annars með því að birta mynd af þeim saman. Við það eitt létu hundrað manns sig hverfa af lista yfir þá sem fylgjast með síðunni. „Já, þetta kom mér á óvart,“ segir Pálína í samtali við Vísi. Nokkur flökt er á fylgi á Instagram en í hennar tilfelli er það yfirleitt þannig að fleiri koma á lista en fara af honum. Myndin örlagaríka í öllu sínu veldi. Pálína grætur það ekki þó einhverjir sem setja það fyrir sig að eigandi kinda, sem eru í aðalhlutverki á Instagram-síðu hennar, sé samkynhneigð láti sig hverfa.Pálína Axelsdóttir Njarðvík „En þarna á mánudagskvöldið var mikið stökk. „Unfollow-línan“ rauk upp þarna um sjö leytið,“ segir Pálína en nákvæmar skrár eru fyrirliggjandi um hversu margir skoða síður á Instagram og eru áskrifendur eða fylgjendur mismunandi reikninga. Á annað hundrað manns virðast samkvæmt því skyndilega hafa ákveðið að hætta sem fylgjendur. Pálína segir enga skýringu aðra en þessa tilteknu myndbirtingu. Og hún telur að þar ráði fordómar gegn samkynhneigðum för. „Þetta er örugglega af því að ég er með fylgjendur frá ýmsum heimshornum og hlutirnir eru komnir sorglega stutt víða. Viðhorfin eru í allar áttir.“ Skellur að eigandi kindanna sé ekki gagnkynhneigður Pálína, sem er með mastergráðu í félagssálfræði, segir þessi sterku viðbrögð áhugaverð sem slík. Talsverðra hræinga varð vart í netmælingum í kjölfar þess að Pálína birti myndina. „Að fólk hafi svona sterk neikvæð viðhorf gagnvart mismunandi kynhneigð, svo mjög að þú getir ekki fylgst með kindum á Íslandi af því að eigandi kindanna er samkynhneigð!?“ Vísir hefur áður fjallað um magnað og gott gengi Pálínu á samfélagsmiðlum og hinn mikla áhuga sem sýnir sig á íslensku sveitalífi. Um 42 þúsund manns frá öllum heimshornum fylgjast reglubundið með daglegu lífi á sveitabænum Eystra-Geldingaholti í Skeiða- og Gnúpverjahreppi í gegnum Instagram-síðuna Farm Life Iceland, þar sem umfjöllunarefnið er að mestu bú Pálínu og fjölskyldu hennar; meðalstórt sauðfjárbú, 300 kindur á fóðrum yfir vetur og um 20 kýr. Engar áhyggjur þó fordómafullir hætti að fylgjast með kindunum Pálína veltir þessum nýjustu vendingum fyrir sér, þó ekki þannig að það fái sérstaklega á hana. Henni finnst þetta öðrum þræði skondið. „Ég sé mjög mikið eftir þessu fordómafulla fólki og mun sakna þeirra mikið,“ segir hún og hlær. Eða ekki. Henni hafa borist fjölmörg skilaboð eftir að hún greindi frá þessu brotthlaupi fylgjenda, um fimm hundruð skilaboð þar sem fólk segir að gott sé að þetta fordómafulla fólk hafi látið sig hverfa. Pálína og María í réttum. Þessi mynd hefur áður birst á Instagramreikningi Pálínu en hún gerir því skóna að einhverjir hafi talið að þarna væru systur á ferð.Pálína Axelsdóttir Njarðvík „Fólk er yndislegt. Mér gæti ekki staðið meira á sama þó eitthvað fordómafullt lið sé ekki að horfa á kindurnar mínar. Vil frekar hafa einn sem kann að meta mig en hundrað fordómafulla,“ segir Pálína. Draumurinn um ástir í íslenskri sveit dó Hún vill ekki alhæfa um þá sem létu sig hverfa, ekki er endilega víst að þar sé einungis um fordómafulla að ræða heldur gæti einnig verið um að ræða bælda en vongóða netdrengi sem hafa ef til vill látið sig dreyma um villtar ástir í íslenskri sveit. Pálína segir að þeir sem hafa látið í sér heyra hafi einmitt nefnt þann möguleika. „Ég veit það ekki. Ég hef alveg sýnt Maríu áður, hef ekkert verið að fela það. Þannig að þetta hefði ekki átt að koma svona flatt upp á mannskapinn. En þetta hafa greinilega verið nýjar fréttir fyrir einhverja.“ Pálína telur ekki úr vegi að ætla einhverja hafa metið það sem svo, við að sjá saman tvær síðhærðar ungar konur í sveitinni að þar hafi verið um að ræða systur. „Já, kannski einn eða tveir. Skellur,“ segir Pálína.
Samfélagsmiðlar Hinsegin Skeiða- og Gnúpverjahreppur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Handtekinn í tengslum við áform um að ráða Selenskí af dögum Erlent Kennedy-fjölskyldan lýsir yfir stuðningi við Biden Erlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Katrín á toppnum um allt land Innlent Bandaríkin stöðvuðu fulla aðild Palestínumanna að SÞ Erlent Hrunið í gömlu kauphöllinni heldur áfram Erlent Fleiri fréttir Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Sjá meira
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent