Tíska og hönnun

Út­skriftar­sýning fata­hönnunar­nema LHÍ

Sylvía Rut Sigfúsdóttir skrifar
Hönnun eftir Sædísi Ýr, einn útskriftarnemenda.
Hönnun eftir Sædísi Ýr, einn útskriftarnemenda. Aðsend mynd

Sýnt verður frá útskriftarsýningu fatahönnunarnema frá Listaháskóla Íslands í beinni útsendingu hér á Vísi klukkan 19:30. Vegna heimsfaraldurs var brugðið á það ráð að hafa sýninguna með óhefðbundnum hætti en þetta verður blanda af myndböndum og tískusýningu.

Þrír hönnuðir útskrifast frá deildinni að þessu sinni og eru það þær Birgitta Björt Björnsdóttir, Isabella Molina Lopez og Sædís Ýr Jónasdóttir. 

Sýningin hefst klukkan 19.30 og Eygló Margrét Lárusdóttir fatahönnuður, EYGLÓ, er kynnir, Stefán Svan fatahönnuður fer yfir línurnar og gefur hönnuðum umsögn eftir sýninguna.

Sýningin nefnist Alltumlykjandi.

40 SKYNFÆRI

Fjörutíu skynfæri, útskriftarsýning hönnunar- og arkitektúrdeildar LHÍ 2020, fer fram í Gerðarsafni frá 30. ágúst til 13.september næstkomandi. Aðgangur að sýningunni er ókeypis og sýningastjórar eru Anna María Bogadóttir, Atli Bollason, Linda Björg Árnadóttir og Ólöf Rut Stefánsdóttir.

„Á sýningunni má sjá verk eftir nemendur sem útskrifuðust úr hönnun og arkitektúr frá Listaháskóla Íslands í júní 2020. Verkin eru lokapunkturinn á þriggja ára lærdómsferli nemenda og miðla persónulegri sýn þeirra á viðfangsefni sem snerta bæði samfélagslegan veruleika, tilfinningalíf, umhverfi og vissu og óvissu um framtíðina. Verkefnin bera hvert á sinn hátt vott um skapandi og frjóa nálgun í hönnun og arkitektúr. Öll byggja þau á samstarfi og samvinnu, þekkingarleit, tilfinningum og klókindum þar sem við sögu koma í það minnsta fjörutíu skynfæri og skynjanir, s.s. hungur, þorsti, jafnvægi, kláði, kvíði, snerting, hjartsláttur, skjálfti, hreyfing, hljóð og hiti.“

Viðburðir og leiðsagnir á sýningartíma

  • Þriðjudagur 1. september
    • Tískusýning fatahönnunarnema fer fram í benni útsendingu á Vísi og Stöð 2 Vísi.
  • Fimmtudagur 3. september
    • Sýning fatahönnunarnema opnar (Stúdíó Gerðar, fyrstu hæð). 
    • Útgáfuhóf Mænu 2020 (Anddyri).
  • Sunnudagur 6. september
    • 12:00 – 13:00 Leiðsögn um sýningu fatahönnunarnema, Linda Björg Árnadóttir, sýningarstjóri námsbrautar í fatahönnun (Stúdíó Gerðar, fyrstu hæð).
    • 13:00 – 14:00 Leiðsögn um sýningu arkitektúrnema, Anna María Bogadóttir, sýningarstjóri námsbrautar í arkitektúr (Hefst í anddyri safnsins)
    • 14:00 – 15:00 Leiðsögn um sýningu nemenda í grafískri hönnun, Atli Bollason, sýningarstjóri námsbrautar í grafískri hönnun (Hefst í anddyri safnsins)
    • 15:00 – 16:00 Leiðsögn um sýningu vöruhönnunarnema, Ólöf Rut Stefánsdóttir, sýningarstjóri námsbrautar í vöruhönnun (Hefst í anddyri safnsins).

Tengdar fréttir

„Hönnunin hér er jafn einstök og landslagið“

Hönnuðurinn Isabella Lopez er ein þeirra sem taka þátt í útskriftarsýningu fatahönnunarnema LHÍ í dag. Hún er fædd og uppalin í Kólumbíu en ást og örlögin leiddu hana til Íslands árið 2015.

Innblásin af pönki og mótmælabylgjunni árið 2019

„Ég hef haft áhuga á hönnun í mjög langan tíma, frá því að ég var lítil. Ég held að ég fái það frá mömmu minni. Minn áhugi á hönnun er með margar rætur og hef ég áhuga á öllu frá tísku yfir í tónlist og innanhús hönnun,“ segir Birgitta Björt Björnsdóttir.

Listaháskólinn verður settur fjórum sinnum

Starfsár Listaháskólans hefst á morgun og það með óhefðbundnum hætti sökum COVID-19 faraldursins. Skólinn verður settur í fjögur skipti af Fríðu Björk Ingvarsdóttur rektor.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.