Hagi aðalmaðurinn í að slá út Braga
Lærisveinar Steven Gerrard í skoska liðinu Rangers eru komnir áfram í 16-liða úrslit Evrópudeildar karla í fótbolta, fyrstir liða, eftir að hafa slegið út Braga í Portúgal.
Rangers unnu 1-0 sigur í Portúgal í kvöld þar sem Ryan Kent skoraði markið, einn gegn markverði, eftir sendingu rúmenska landsliðsmannsins Ianis Hagi yfir vörn Rangers. Hagi hafði áður skorað tvö mörk þegar Rangers vann 3-2 í fyrri leik liðanna, en góð vítaspyrna hans fór í súginn undir lok fyrri hálfleiks í kvöld.
Hagi verður vafalaust í landsliðshópi Rúmeníu sem kemur til Íslands eftir mánuð til að spila á Laugardalsvelli í EM-umspilinu. Þessi 21 árs gamli miðjumaður og sonur goðsagnarinnar Gheorghe Hagi er hluti af nýrri gullkynslóð Rúmena sem náði 4. sæti á EM U21-liða í fyrra.
Ianis Hagi's game by numbers vs. Braga (part two):
— Squawka Football (@Squawka) February 26, 2020
74% pass accuracy
34 touches
19 passes
14 passes completed
2 shots
2 key passes
2 tackles
1 assist
1 missed penalty
In the thick of the action (again). pic.twitter.com/wbLg2zuxNA
Hinum 15 einvígunum í 32-liða úrslitum Evrópudeildarinnar lýkur á morgun.
Tengdar fréttir
Skoraði tvö mörk í Evrópudeildinni í gær og spilar á Laugardalsvelli eftir mánuð
Ianis Hagi, sonur goðsagnarinnar Gheorghe Hagi, skoraði tvö mörk í gær er Rangers vann 3-2 sigur á Braga í 32-liða úrslitum Evrópudeildarinnar í gærkvöldi.
Gerrard fékk son Gheorghe Hagi á láni
Steven Gerrard hefur styrkt lið Rangers fyrir lokabaráttuna um skoska meistaratitilinn og sá hinn sami er vel ættaður.
