Innlent

Ólína segir börnin hafa óttast um líf sitt þessa skelfingarnótt

Kolbeinn Tumi Daðason skrifar
Ólína Þorvarðardóttir var á meðal á annað hundrað björgunarsveitarfólks sem stóð vaktina í gærkvöldi og fram á morgun.
Ólína Þorvarðardóttir var á meðal á annað hundrað björgunarsveitarfólks sem stóð vaktina í gærkvöldi og fram á morgun. Vísir/Baldur Hrafnkell

Ólína Þorvarðardóttir, fyrrverandi þingkona og fræðimaður, var á meðal björgunarsveitarfólks sem sinnti þeim 39 sem komust í háska undir Langjökli í gær og nótt. Sárast finni hún til með börnunum sem sannarlega hafi óttast um líf sitt enda rík ástæða til.

„Að baki er erfið nótt í blind-þreifandi-byl undir Bláfellshálsi og Langjökli. Nótt sem einkenndist af ótta og ugg um afdrif 49 manns sem ýmist grafin í fönn eða skjálfandi upp við hvort annað í óupphituðum vélarvana bíl, börn og fullorðnir, biðu björgunar í allan gærdag og fram á nótt. Veðrið var hreint út sagt ólýsanlegt og með ólíkindum að björgunaraðilum skyldi yfirleitt takast að athafna sig með þeim árangri að allir virðast ætla að komast heilir á húfi frá þessari þrekraun.“

Sjá má aðstæðurnar á vettvangi hér að neðan.

Ólína, sem hefur verið til umfjöllunar undanfarna daga vegna skipanar þjóðgarðsvarðar á Þingvöllum, er í björgunarsveitinni Ingunni á Laugarvatni. Hún segir í færslu á Facebook að þegar sveitin hafi loksins komist í skálann í Geldingarfelli, eftir að hafa tímunum saman pjakkað þangað á björgunarsveitarbílnum í öskubyl og skipst á að ganga á undan honum langleiðina - hafi þau sett upp hjálparstöð í skálanum. Stöðinvar fyrsti áfangastaður hópanna á langri og seinfarinni leið þeirra til byggða.

„Fólkið var hrakið, hrætt og þreytt. Margir með augljós einkenni ofkælingar. Til allrar hamingju var hægt að færa það úr vosklæðunum, koma því í þurra kuldagalla og gefa heita drykki áður en lengra var haldið. Síðan var haldið áfram með fólkið í fjöldahjálparstöð á Gullfossi þar sem það fékk læknisaðstoð og faglega aðhlynningu. Það ferðalag var seinlegt og erfitt enda aðstæður eins og þær verða verstar í grimmdarklóm íslenskrar vetrarveðráttu.“

Hún þykist vita að það muni taka marga sem lentu í þessu langan tíma að jafna sig eftir þetta.

„Sumir jafna sig kannski aldrei. Sárast finn ég til með börnunum sem sannarlega óttuðust um líf sitt og höfðu ríka ástæðu til. Þetta var sannkölluð skelfingarnótt en það vakti einhver verndarhönd yfir aðgerðum á vettvangi í gær.“

Ólína lofar guði fyrir giftusamlega björgun við erfiðustu veðuraðstæður sem orðið geti á Íslandi.


Tengdar fréttir

Undrandi á ákvörðun Mountaineers of Iceland

Björgunarsveitarmaður sem var hluti af fjölmennu útkalli á Langjökul í nótt þar sem 39 ferðamenn lentu í háska í vélsleðaferð á vegum Mountaineers Iceland undrast að farið hafi verið í ferðina í ljósi slæmrar veðurspár. Aðstæður hafi verið mjög krefjandi enda veðrið alveg snarbrjálað.

Ólína fær 20 milljónir í bætur frá íslenska ríkinu

Ríkislögmaður hefur komist að samkomulagi við Ólínu Kjerúlf Þorvarðardóttur um greiðslu bóta þegar sem gengið var framhjá henni við ráðningu í stöðu þjóðgarðsvarðar á Þingvöllum. Bótaafjárhæðin nemur 20 milljónum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.