Meistaradeildin heldur áfram og þrjú golfmót

Það verður nóg um að vera á sportrásum Stöðvar 2 í dag. Sýnt verður frá leik Atlético Madrid og RB Leipzig í átta liða úrslitum Meistaradeildar Evrópu og þremur golfmótum.

Atlético Madrid og RB Leipzig eigast við klukkan 19:00 í beinni útsendingu á Stöð 2 Sport 2. Vegleg umfjöllun verður fyrir og eftir leikinn. 

Liðið sem vinnur leikinn mætir Paris Saint-Germain í undanúrslitum Meistaradeildarinnar 18. ágúst.

Sýnt verður frá mótum á PGA-, LET- og Evrópumótaröðunum í golfi í dag. Um er að ræða Celtic Classic (Evrópumótaröðin), Ladies Scottish Open (LET) og Wyndham Championship (PGA).

Alla dagskrá dagsins má sjá hér.