Íslenski boltinn

Engir áhorfendur þegar boltinn fer aftur af stað

Anton Ingi Leifsson skrifar
Stuðningsmenn Íslandsmeistara KR þurfa að bíða aðeins lengur með að mæta á völlinn.
Stuðningsmenn Íslandsmeistara KR þurfa að bíða aðeins lengur með að mæta á völlinn. vísir/bára

Ef íslenski boltinn fer að rúlla á föstudaginn, eins og vonir standa til, verður það án áhorfenda.

Þetta staðfesti Fótbolti.net í dag en nú stendur yfir fundur með forráðamönnum Pepsi Max og Lengjudeildanna í Laugardalnum.

Beðið er eftir staðfestingu frá heilbrigðisráðherra að hefja megi fótboltinn á nýjan leik en vonir standa til að hann fari aftur að rúlla á föstudag.

Í frétt Fótbolti.net er einnig greint frá því að hvert lið þurfi að skipa sóttvarnafulltrúa, sem sjái til að farið sé eftir settum reglum.

Knattspyrnuhreyfingin þarf að sýna yfirvöldum að þeim sé treystandi áður en áhorfendum verður hleypt á nýjan leik á völlinn.

Hvert lið má hafa tíu áhorfendur á hverjum leik en það gætu t.d. verið stjórnarmenn eða leikmenn utan hóps.

FH og KR eiga að mætast á föstudagskvöldið sem og Stjarnan og Grótta og er vonast til þess að þessir leikir sparki Pepsi Max og Lengjudeildunum aftur af stað.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.