Erlent

Á þriðja tug fanga lést í árás Íslamska ríkisins

Andri Eysteinsson skrifar
Frá afgönsku borginni Jalalabad.
Frá afgönsku borginni Jalalabad. Getty/NurPhoto

Hryðjuverkasamtökin Íslamska ríkið hefur lýst yfir ábyrgð á árás sem gerð var á fangelsi í afgönsku borginni Jalalabad þar sem að minnsta kosti 21 fangi lét lífið.

Árásin hófst með því að bílsprengjur voru sprengdar við inngang fangelsisins og þar á eftir hófst skotbardagi milli fangavarða og vígamanna IS sem varði alla aðfaranótt mánudagsins.

Fjörutíu og þrír hafa verið færðir á sjúkrahús til meðhöndlunar eftir að hafa særst í bardaganum. Talsmaður lögreglunnar í Jalalabad segir að þrír vígamenn hafi verið vegnir en fleiri reyni enn að verjast öryggissveitum.

Ekki er vitað hvers vegna árásin var gerð á fangelsið en þar afplána um 1700 fagnar og eru margir þeirra liðsmenn IS eða Talíbana. Talíbanar hafa þegar stigið fram og sagst ekki bera ábyrgð á atburðunum en árásin var framin á þriðja og síðasta degi tímabundins vopnahlés Talíbana og afganskra yfirvalda.

Var hundruðum Talíbana sleppt úr haldi til þess að tryggja friðinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.