Menning

Bjarni Thor bæjarlistamaður Garðabæjar

Andri Eysteinsson skrifar
Bjarni Thor, bæjarlistamaður Garðabæjar, tók lagið við athöfnina.
Bjarni Thor, bæjarlistamaður Garðabæjar, tók lagið við athöfnina. Aðsend

Óperusöngvarinn Bjarni Thor Kristinsson var í gær útnefndur bæjarlistamaður Garðabæjar í ár. Bjarna voru veitt verðlaun við athöfn sem fór fram í Sveinatungu á Garðatorgi. Hallfríður Ólafsdóttir flautuleikari hlaut heiðursviðurkenningu fyrir framlag sitt til menningar og lista en Hallfríður er höfundur bókanna um músíkmúsina Maxímus Músikús.

Bjarni Thor óperusöngvari hóf söngnám 18 ára gamall og fór í framhaldsnám í Vínarborg árið 1994. Þremur árum síðar var hann ráðinn aðalbassasöngvari þjóðaróperunnar í Vín. Eftir dvölina í Vín hefur Bjarni starfað víðs vegar um heiminn sem lausráðinn söngvari. Hann hefur verið tíður gestur ríkisóperunnar í Berlín en hefur til að mynda komið fram í Róm, Veróna, París og Chicago svo dæmi séu nefnd.

Bjarni hefur að mestu sungið erlendis undanfarin ár og var við æfingar í ítölsku borginni Parma þegar kórónuveirufaraldurinn skall á.

Hallfríður er einn fremsti flautuleikari þjóðarinnar en bækur hennar um Maxímús Músíkús hafa farið sigurför um heiminn og hafa fjölmargar sinfóníuhljómsveitir flutt Maxímúsardagskrá á tónleikum sínum.

Við athöfnina tók Bjarni Thor lagið en Hallfríður minnti á mikilvægi tónlistarskólanna hér á landi.

Aðsend
Hallfríður Ólafsdóttir flautuleikari.Aðsend
Aðsend


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.