Chelsea fær ekki Dembele

Samkvæmt heimildum Sky Sports þá hefur Lyon hafnað stóru tilboði frá Chelsea í framherjann Moussa Dembele.

Chelsea bauð Lyon 34 milljónir punda fyrir leikmanninn en Lyon sagði nei takk og bætti við að leikmaðurinn væri ekki til sölu.

Dembele hefur farið mikinn í liði Lyon eftir að hann kom þangað frá Celtic fyrir einu og hálfi ári síðan. Hann hefur þegar skorað 30 mörk fyrir félagið.

Ekki er búist við því að Chelsea geri annað tilboð í leikmanninn þar sem vilji Lyon virðist vera ansi skýr í þessum efnum.

Lundúnaliðið hefur áhuga á fleiri leikmönnum og mun nú snúa sér að öðrum skotmörkum.