Rændu snappinu af Birnu og Júlli fékk lánuð bringuhár

Snapchat-keppnin So You Think You Can Snap!, þar sem framhaldsskólar landsins etja kappi, heldur nú áfram á þriðju keppnisviku.

Í gær mættust Verslunarskóli Íslands og Menntaskólinn í Kópavogi í hörkukeppni. Óli sá um snappið fyrir Versló en Birna María átti upphaflega að vera með það en Óli stal því.

Tuttugu framhaldsskólar hafa skráð sig til leiks í keppninni. Hver skóli teflir fram einum snappara en keppnin fer fram á Snapchat-reikningi Áttunnar, Attan_official, og fer atkvæðagreiðslan fram þar. Hjá MK sá Júlíus Óli Stefánsson um snappið og fékk hann félaga sína til að líma líkamshár á bringuna sína.

Tveir skólar keppa á dag og reyna snappararnir að öðlast hylli áhorfenda með fyndnum, skemmtilegum eða áhugaverðum snöppum. Áhorfendur velja svo þann sem þeim þykir betri með skjáskoti í lok dags. 

Sá skóli sem fær fleiri skjáskot og þar af leiðandi atkvæði kemst áfram í undanúrslit. Atkvæðagreiðsla fyrir 10 keppnisdag kláraðist á í gær en þar mættust MA og Menntaskólinn á Tröllaskaga og hafði MA betur og er skólinn kominn í úrslit.

Menntaskólinn við Sund og Fjölbrautarskólinn í Garðabæ mætast í dag og er hægt að fylgjast með einvíginu á Snapchat-reikningnum Attan_official. Við munum sýna myndband af þeirri viðureign hér á Vísi á morgun.

Keppnin heldur síðan áfram í þessarri og næstu viku og mun Vísir fylgjast grannt með gangi mála allt til enda.

Að keppninni stendur sam­fé­lags­miðla­þátturinn Áttan, sem þeir Nökkvi Fjalar, Aron Ingi og Egill Ploder skipa. Nýherji er bakhjarl keppninnar og fær sigurvegarinn nýja Lenovo tölvu í vinning.

Dagskrá keppninnar - Undanúrslit:

Mánudagur 5. september 

Menntaskólinn við Hamrahlíð vs. Framhaldsskólinn á Húsavík

Þriðjudagur 6. september 

Menntaskólinn á Tröllaskaga vs. Menntaskólinn á Akureyri

Miðvikudagur 7. september

Menntaskólinn í Kópavogi vs. Verslunarskóli Íslands

Fimmtudagurinn 8. september

Menntaskólinn við Sund vs. Fjölbrautarskólinn í Garðabæ

Föstudagurinn 9. september

Verkmenntaskóli Akureyrar - Flensborg