Hagavagninn verður rifinn og endurreistur Stefán Þór Hjartarson skrifar 31. maí 2018 06:00 Vagninn þarf að fjúka! Nýr vagn verður reistur í staðinn og mun hann að sögn aðstandenda passa eins og flís við rass í götumynd Vesturbæjarins. Vísir/Anton Eins og greint var frá hér í Lífinu í mars eru hjónin Rakel Þórhallsdóttir og Jóhann Guðlaugsson búin að festa kaup á Hagavagninum, einu af táknum Vesturbæjarins, og eru á fullu að vinna við að opna þar hamborgarastað með dyggri aðstoð frá Ólafi Erni Ólafssyni veitingamanni og rapparanum Emmsjé Gauta. Þau hafa verið að gera vagninn upp en hins vegar er komin upp sú leiðinlega staða að vagninn er ekki hægt að laga og það þarf að reisa nýtt húsnæði á reitnum. Verður íbúum hverfisins gert viðvart um þetta í tilkynningu þar sem kemur meðal annars fram: „Með mikilli sorg í hjarta hefur sú ákvörðun verið tekin að rífa gamla Hagavagninn. Þegar við hófum breytingar á húsnæðinu kom sú staðreynd í ljós að hann er gjörónýtur og ekki er hægt að bjarga honum. Við erum bjartsýn á framtíðina og stefnum á að opna Hagavagninn í júlí. Við höldum í nafnið en kveðjum gamla kofann.“ Þegar blaðamaður nær í Gauta er hann á leiðinni út úr bænum á ferðalag sitt um landið, þar sem fyrsta stopp var á Hvolsvelli. „Það er rosa stutt í að við opnum vagninn og við komin langt í ferlinu, við erum svona í lokasmakkinu núna. Ég er búinn að biðja þau Rakel og Óla, sem eru með mér í þessu, að senda mér hamborgara út á land. Ég fæ reyndar ekki einn sveittan í bréfi – en ég fæ hráefnin sem ég get svo eldað sjálfur og leyft strákunum að smakka.“ Gauti segir það þó í raun og veru ekki vera neitt sérstaklega mikinn skell fyrir ferlið að þurfa að byggja nýjan vagn.Gauti fær senda hamborgara út á land þar sem hann er að túra um þessar mundir til að geta tekið síðustu lotuna af smakki fyrir opnun Hagavagnsins.Hlynur Helgi Hallgrímsson„Það var alltaf stefnt að því að taka vagninn alveg í gegn. Hann hefur auðvitað staðið mjög lengi og vitað var að það þyrfti að gera mikið fyrir hann. Það að byggja nýjan er í raun ekki mikið flóknara en það sem við gerðum ráð fyrir að þurfa að gera við gamla vagninn. En við reyndum allt sem við gátum til að halda gamla vagninum – þetta voru bara ekki aðstæður sem við gátum boðið upp á við matargerð. Ég veit að mörgum þykir vænt um þennan vagn og okkur líka – það var einmitt það sem heillaði til að byrja með: staðsetningin og lúkkið, þannig að þetta var erfið ákvörðun. Við vonum að nýi vagninn muni standa jafn lengi og hinn og auðvitað munum við halda áfram að nota gamla nafnið.“ Ætlunin sé að halda í svipað útlit og var á gamla góða vagninum þó svo að hann verði ekki byggður í nákvæmlega sömu mynd.Sjá einnig: Fannst vanta „basic burger“ í hverfið „Við ætlum að hafa þetta í stíl við götuna, en hún er í mikilli uppbyggingu um þessar mundir. Það er kominn skemmtilegur svipur á hana – við erum með Melabúðina, Kaffi Vest og svo nýjasta viðbótin sem er Brauð & Co. Ég get ekki farið neitt nánar út í það en við, allir þessir fjórir staðir, ætlum að halda smá viðburð saman sem verður tilkynntur betur síðar. Markmiðið er auðvitað bara að gera geggjaða hamborga sem fólk þráir og byggja upp hverfið.“ Svona fyrst Gauti er í símanum getur blaðamaður ekki stillt sig um að spyrja hvernig tónleikaferðalagið fari af stað. „Íslandstúrinn er að hefjast núna bara á meðan við tölum saman. Það tók aðeins lengri tíma en við bjuggumst við að pakka í bílana – við erum náttúrulega átta menn sem verðum á veginum í næstum tvær vikur og það er bara ákveðið mikið af rusli sem því fylgir. Það er mikil spenna og massívt prógramm fram undan – við erum að fara spila sextán sinnum á næstu þrettán dögum og Keli er strax orðinn óþolandi – við erum ekki komnir út úr bænum og hann er strax búinn að segja átján aulabrandara.“ Birtist í Fréttablaðinu Tengdar fréttir Fannst vanta „basic burger“ í hverfið Hagavagninn, vinaleg sjoppa í Vesturbænum, mun ganga í endurnýjun lífdaga og opna sem hamborgarastaður á næstunni. Emmsjé Gauti er einn þeirra sem að staðnum koma og hann er spenntur 22. mars 2018 06:08 Mest lesið Aron Kristinn orðinn pabbi Lífið „Þvílíkur fílingur bara“ Lífið Umboðsmaður Jenner lést af slysförum Lífið Norah Jones: Tíminn stóð í stað þar til ljóskastarinn vakti mann Gagnrýni Einbýli í Breiðholti úr smiðju Rutar Kára Lífið Vonbrigði að aðeins tvær konur komi fram á Kótelettunni Lífið „Fólk sleppur ekkert auðveldlega frá mér“ Lífið Komu Balmain Hair Couture í Hagkaup fagnað með glæsilegum viðburði Lífið samstarf „Ég fæ alltaf gæsahúð af góðum texta“ Lífið Herra Hnetusmjör og Sara keyptu draumahúsið Lífið Fleiri fréttir Aron Kristinn orðinn pabbi Vonbrigði að aðeins tvær konur komi fram á Kótelettunni Sumarlegt grillsalat að hætti Hildar Rutar Umboðsmaður Jenner lést af slysförum „Þvílíkur fílingur bara“ „Ég fæ alltaf gæsahúð af góðum texta“ Rósa og Hersir orðin foreldrar Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Sjá meira
Eins og greint var frá hér í Lífinu í mars eru hjónin Rakel Þórhallsdóttir og Jóhann Guðlaugsson búin að festa kaup á Hagavagninum, einu af táknum Vesturbæjarins, og eru á fullu að vinna við að opna þar hamborgarastað með dyggri aðstoð frá Ólafi Erni Ólafssyni veitingamanni og rapparanum Emmsjé Gauta. Þau hafa verið að gera vagninn upp en hins vegar er komin upp sú leiðinlega staða að vagninn er ekki hægt að laga og það þarf að reisa nýtt húsnæði á reitnum. Verður íbúum hverfisins gert viðvart um þetta í tilkynningu þar sem kemur meðal annars fram: „Með mikilli sorg í hjarta hefur sú ákvörðun verið tekin að rífa gamla Hagavagninn. Þegar við hófum breytingar á húsnæðinu kom sú staðreynd í ljós að hann er gjörónýtur og ekki er hægt að bjarga honum. Við erum bjartsýn á framtíðina og stefnum á að opna Hagavagninn í júlí. Við höldum í nafnið en kveðjum gamla kofann.“ Þegar blaðamaður nær í Gauta er hann á leiðinni út úr bænum á ferðalag sitt um landið, þar sem fyrsta stopp var á Hvolsvelli. „Það er rosa stutt í að við opnum vagninn og við komin langt í ferlinu, við erum svona í lokasmakkinu núna. Ég er búinn að biðja þau Rakel og Óla, sem eru með mér í þessu, að senda mér hamborgara út á land. Ég fæ reyndar ekki einn sveittan í bréfi – en ég fæ hráefnin sem ég get svo eldað sjálfur og leyft strákunum að smakka.“ Gauti segir það þó í raun og veru ekki vera neitt sérstaklega mikinn skell fyrir ferlið að þurfa að byggja nýjan vagn.Gauti fær senda hamborgara út á land þar sem hann er að túra um þessar mundir til að geta tekið síðustu lotuna af smakki fyrir opnun Hagavagnsins.Hlynur Helgi Hallgrímsson„Það var alltaf stefnt að því að taka vagninn alveg í gegn. Hann hefur auðvitað staðið mjög lengi og vitað var að það þyrfti að gera mikið fyrir hann. Það að byggja nýjan er í raun ekki mikið flóknara en það sem við gerðum ráð fyrir að þurfa að gera við gamla vagninn. En við reyndum allt sem við gátum til að halda gamla vagninum – þetta voru bara ekki aðstæður sem við gátum boðið upp á við matargerð. Ég veit að mörgum þykir vænt um þennan vagn og okkur líka – það var einmitt það sem heillaði til að byrja með: staðsetningin og lúkkið, þannig að þetta var erfið ákvörðun. Við vonum að nýi vagninn muni standa jafn lengi og hinn og auðvitað munum við halda áfram að nota gamla nafnið.“ Ætlunin sé að halda í svipað útlit og var á gamla góða vagninum þó svo að hann verði ekki byggður í nákvæmlega sömu mynd.Sjá einnig: Fannst vanta „basic burger“ í hverfið „Við ætlum að hafa þetta í stíl við götuna, en hún er í mikilli uppbyggingu um þessar mundir. Það er kominn skemmtilegur svipur á hana – við erum með Melabúðina, Kaffi Vest og svo nýjasta viðbótin sem er Brauð & Co. Ég get ekki farið neitt nánar út í það en við, allir þessir fjórir staðir, ætlum að halda smá viðburð saman sem verður tilkynntur betur síðar. Markmiðið er auðvitað bara að gera geggjaða hamborga sem fólk þráir og byggja upp hverfið.“ Svona fyrst Gauti er í símanum getur blaðamaður ekki stillt sig um að spyrja hvernig tónleikaferðalagið fari af stað. „Íslandstúrinn er að hefjast núna bara á meðan við tölum saman. Það tók aðeins lengri tíma en við bjuggumst við að pakka í bílana – við erum náttúrulega átta menn sem verðum á veginum í næstum tvær vikur og það er bara ákveðið mikið af rusli sem því fylgir. Það er mikil spenna og massívt prógramm fram undan – við erum að fara spila sextán sinnum á næstu þrettán dögum og Keli er strax orðinn óþolandi – við erum ekki komnir út úr bænum og hann er strax búinn að segja átján aulabrandara.“
Birtist í Fréttablaðinu Tengdar fréttir Fannst vanta „basic burger“ í hverfið Hagavagninn, vinaleg sjoppa í Vesturbænum, mun ganga í endurnýjun lífdaga og opna sem hamborgarastaður á næstunni. Emmsjé Gauti er einn þeirra sem að staðnum koma og hann er spenntur 22. mars 2018 06:08 Mest lesið Aron Kristinn orðinn pabbi Lífið „Þvílíkur fílingur bara“ Lífið Umboðsmaður Jenner lést af slysförum Lífið Norah Jones: Tíminn stóð í stað þar til ljóskastarinn vakti mann Gagnrýni Einbýli í Breiðholti úr smiðju Rutar Kára Lífið Vonbrigði að aðeins tvær konur komi fram á Kótelettunni Lífið „Fólk sleppur ekkert auðveldlega frá mér“ Lífið Komu Balmain Hair Couture í Hagkaup fagnað með glæsilegum viðburði Lífið samstarf „Ég fæ alltaf gæsahúð af góðum texta“ Lífið Herra Hnetusmjör og Sara keyptu draumahúsið Lífið Fleiri fréttir Aron Kristinn orðinn pabbi Vonbrigði að aðeins tvær konur komi fram á Kótelettunni Sumarlegt grillsalat að hætti Hildar Rutar Umboðsmaður Jenner lést af slysförum „Þvílíkur fílingur bara“ „Ég fæ alltaf gæsahúð af góðum texta“ Rósa og Hersir orðin foreldrar Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Sjá meira
Fannst vanta „basic burger“ í hverfið Hagavagninn, vinaleg sjoppa í Vesturbænum, mun ganga í endurnýjun lífdaga og opna sem hamborgarastaður á næstunni. Emmsjé Gauti er einn þeirra sem að staðnum koma og hann er spenntur 22. mars 2018 06:08